ಸಪ್ತೆಂಬರಾಚ್ಯಾ 17 ತಾರಿಕೆರ್, ಸಾಂ. ಲೂವಿಸ್ ವಾಡ್ಯಾಗಾರಾನಿಂ ಶ್ರೀಮತಿ ಡೊರಿಸ್ ಫೆರ್ನಾಂಡಿಸ್ ಹಿಚಾ ಘರಾ ಸಾಂಜೆರ್ 5:30 ವರಾರ್ ಮೊಂತಿ ಫೆಸ್ತ್ ಆಚರಣ್ ಕೆಲೆಂ. ಸುರ್ವೆರ್ ಶ್ರೀಮತಿ ಶಾಂತಿ ಡಾಯಸ್ ಹಿಣೆಂ ಘರ್ಚ್ಯಾ ಯೆಜ್ಮಾನಿ ತರ್ಫೆನ್ ಜಮ್ಲೆಲ್ಯಾ ಸರ್ವಾಂಕ್ ಸ್ವಾಗತ್ ಕೆಲೊ. ಹ್ಯಾ ವೆಳಾ ಜಮಾತೆಕ್ ಪಯ್ಲ್ಯಾನ್ ಪಯ್ಲೆಂ ಹಾಜರ್ ಜಾಲ್ಲ್ಯಾ ಬ್ರದರ್ ರೊಯಲ್ ಹಾಂಕಾಂ ಫುಲಾಂ ದೀವ್ನ್ ಸ್ವಾಗತ್ ಕೆಲೊ. ಲವೀನಾ ಮಿನೇಜಸ್ ಹಿಣೆಂ ಪ್ರಸ್ತಾವನ್ ಕರ್ನ್ ಮಾಗ್ಣ್ಯಾಚಿ ಸುರ್ವಾತ್ ಕೆಲಿ. ಮೊನಿಕಾ ಅನಿ ಬ್ರದರ್ ನಿತಿನ್ ಹಾಣಿಂ ಸಾಂ. ಲೂಕಾಚೊ ವಾಂಜೆಲ್ ಪರ್ಗಟ್ಲೊ. ಮರ್ಯೆ ಮಾಯೆಚೆಂ ಯೆಣೆಂ ಕಿತ್ಯಾಕ್, ಕಶೆಂ ಜಾಲೆಂ ಹ್ಯಾ ವಿಶಿಂ ಸವಿಸ್ತಾರ್ ನಿಯಾಳ್ ಬ್ರದರ್ ರೊಯಲ್ ಹಾಣಿಂ ದಿಲೊ. ಶ್ರೀಮತಿ ರಶ್ಮಿ ಹಿಣೆಂ ವಾಡ್ಯಾಚ್ಯಾ ಅನಿ ಫಿರ್ಗಜೆಚ್ಯಾ ಅನಿ ಸಾಮಾಜೆಚ್ಯಾ ವಿವಿಧ್ ಗರ್ಜಾಂ ಪಾಸತ್ ಪ್ರಾರ್ಥನಾಂ ಭೆಟಯ್ಲಿಂ. ಉಪ್ರಾಂತ್ ಸರ್ವಾನಿಂ ಮರಿಯೆ ಮಾಯೆಕ್ ಫುಲಾಂ ಅರ್ಪಿಲಿಂ. ಹಾಜರ್ ಜಾಲ್ಲ್ಯಾ ಜಮ್ಯಾ ಪಯ್ಕಿ ಮಾಲ್ಘಡಿ ಶ್ರೀಮತಿ ಬೆಟ್ಟಿ ಸಿಕ್ವೇರಾ ಹಿಣೆಂ ನೊವೆನಾಚೆಂ ಮಾಗ್ಣೆಂ ಶಿಕಯ್ಲೆಂ. ಹ್ಯಾಚ್ಚ್ ವೆಳಾರ್ ಮರಿಯೆಕ್ ಹೊಗೊಳ್ಸಿಯಾಂ ಕಂತಾರ್ ಗಾಯ್ಲೆಂ. ಅಶೆಂ ನೊವೆನಾಚೆಂ ಮಗ್ಣೆಂ ಮ್ಹಣೊನ್ ನೊವೆಂ ಸ್ವೀಕಾರ್ ಕೆಲೆಂ. ಉಪ್ರಾಂತ್ ಅಂತರ್ ಫಿರ್ಗಜ್ ಹಂತಾರ್ ಸಾಧನ್ ಕೆಲ್ಲ್ಯಾ (ಕ್ವಿನ್ಸ್, ಕ್ರಿಸೆಲ್, ಎಮ್ರಿಟಾ, ಆ್ಯರನ್ ಆನಿ ಜೊಯೆಲ್ ಕೊನ್ಸೆಸೊ) ಹಾಂಕಾಂ ಸರ್ವ್ ವಾಡ್ಯಾಚಾ ನಾಂವಾನ್ ಫಾ| ಮೈಕಲ್ ಸಾಂತುಮಾಯೆರ್ ಹಾಣಿಂ ಮಾನ್ ಕೆಲೊ. ಉಪ್ರಾಂತ್ ಹೌಸಿಹೌಸಿ ಆನಿ ಭುರ್ಗ್ಯಾಂಕ್ ಖೆಳ್ ಖೆಳಯ್ಲೆ. ಆಖ್ರೇಕ್ ರೊಹನ್ ಪಿಂಟೊನ್ ಧನ್ಯವಾದ್ ದಿಲೆ. ಫಾ| ಅಮಿತ್ ಹಾಣಿಂ ಜೆವ್ಣಾಚೆರ್ ಆಶೀರ್ವಾದ್ ಘಾಲೊ. ಮಿಲಾರಿ ಸಾಯ್ಭಿಣ್ ಗೀತ್ ಗಾವ್ನ್ ಸರ್ವಾನಿಂ ರಾಂದ್ವಯೆಚೆಂ ಜೆವಾಣ್ ಸ್ವೀಕಾರ್ ಕೆಲೆಂ.
ಶಾಂತಿ ಡಾಯಸ್
ಪ್ರತಿನಿದಿ