ಸಪ್ಟೆಂಬರಾಚಾ 17 ತಾರೀಕೆರ್ ಆಯ್ತಾರಾ ಸಾಂಜೆರ್ 5.00 ವರಾರ್ ಶ್ರೀಮತಿ ಜೊಸ್ಫಿನ್ ಫೆರ್ನಾಂಡಿಸ್ ಹಾಂಚ್ಯಾ ಘರಾ ವಾಡ್ಯಾಗಾರಾಂ ಸಾಂಗಾತಾ ಮೆಳೊನ್ ವಾಡ್ಯಾಚಿ ಜಮತ್ ಆನಿ ಮೊಂತಿ ಫೆಸ್ತ್ ಆಚರಣ್ ಕೆಲೆಂ.
ಶ್ರೀಮತಿ ಜೆನೆಟ್ ಫೆರ್ನಾಂಡಿಸಾನ್ ಹಾಜರ್ ಜಾಲ್ಲ್ಯಾ ವಿಗಾರ್ ಬಾಪಾಂಕ್, ಬೆಥನಿ ಕೊವೆಂತಾಚಾ ಧರ್ಮ್‍ಭಯ್ಣಿಂಕ್ ಅನಿ ಸರ್ವಾಂಕ್ ಬರೊ ಯೆವ್ಕಾರ್ ಮಾಗ್ಲೊ.
ಮರ್ಯೆ ಮಾಯೆಚೆಂ ಗೀತ್ ಗಾವ್ನ್ ಜಮತ್ ಆರಂಭ್ ಕೆಲಿ. ಮಾಗ್ಣ್ಯಾವಿಧಿಂತ್ ಪ್ರಸ್ತಾವನ್, ದೆವಾಚೆ ಉತಾರ್, ನಿಯಾಳ್, ಭಾವಾರ್ಥ್ಯಾಂಚಿಂ ಪ್ರಾರ್ಥನಾಂ, ಬಾಳೊಕ್ ಮರ್ಯೆಚೆಂ ನೊವೆನ್ ಆನಿ ವಾಡ್ಯಾಚಾ ಎಕ್ವಟಾ ಖಾತಿರ್ ತೇರ್ಸ್ ಭೆಟಯ್ಲೊ. ಹಾಜರ್ ಜಾಲ್ಲ್ಯಾ ಸರ್ವಾನಿಂ ಮರ್ಯೆಕ್ ಫುಲಾಂ ದವರ್ನ್ ಮಾನ್ ಕೆಲೊ. ದೆವಾಕ್ ಅರ್ಗಾಂ ಗೀತ್ ಗಾವ್ನ್ ಹಾಜರ್ ಆಸ್‍ಲ್ಲ್ಯಾ ಸರ್ವಾನಿಂ ದೂದಾಂತ್ ನೊವೆಂ ಸೆವ್ಲೆಂ.
ಉಪ್ರಾಂತ್ ಜಮತ್ ಮುಂದರ್ಸುನ್ ವೆಲಿ. ಹಾಜರ್ ಆಸ್‍ಲ್ಲ್ಯಾ ವಿಗಾರ್‍ಬಾಪಾನ್ ಭೋವ್ ಆಪೂರ್ಬಾಯೆಚೊ ಸಂದೇಶ್ ಆಮ್ಕಾಂ ದಿಲೊ.ವಾಡ್ಯಾಂತ್ಲ್ಯಾ ಸರ್ವ್ ಶಿಕ್ಷಕಿಂಕ್, ಶಿಕ್ಷಕಾಂಚಾ ದಿಸಾ ತರ್ಫೆನ್ ಉಲ್ಲಾಸ್ ಪಾಟೈಲೆ ಆನಿ ಮಾನ್ ಕೆಲೊ. ಸಪ್ತೆಂಬರ್ ಮಹಿನ್ಯಾಂತ್ ಜಲ್ಮಾದಿವಸ್ ಆಚರ್ಸಿತೆಲ್ಯಾಂಕ್, ಕಾಜಾರಾಚೊ ದೀಸ್ ಆಚರ್ಸಿತೆಲ್ಯಾಂಕ್ ಉಲ್ಲಾಸ್ ಪಾಟೈಲೆ.
ಶ್ರೀಮಾನ್ ಬರ್ನಾಡ್ ಡಿಸೋಜನ್ ಧನ್ಯವಾದ್ ಪಾಟೈಲೆ.