ಫಿರ್ಗಜೆ ಹಂತಾರ್ ವಾಡ್ಯಾವಾರ್ ಬೈಬಲ್ ಕ್ವಿಜ್ ಸ್ಪರ್ಧೊ ಅಕ್ತೋಬರಾಚ್ಯಾ 15 ತಾರೀಕೆರ್ ಮಿಲಾಗ್ರಿಸ್ ಡಿಗ್ರಿ ಕೊಲೆಜಿಚ್ಯಾ ಆಡಿಟೋರಿಯಾಮಾಂತ್ ಮಾಂಡುನ್ ಹಾಡ್ಲೊ. Áಂಚ್ಯಾ ತಾಂಚ್ಯಾ ವಾಡ್ಯಾಂತ್ ಪಯ್ಲ್ಯಾ ಹಂತಾರ್ ಬರ್ಪಿಂ ಬೈಬಲ್ ಕ್ವಿಜ್ ಸ್ಫರ್ಧೊ ಚಲಯ್ಲೊ. ಹರ್ಯೆಕಾ ವಾಡ್ಯಾ ಥಾವ್ನ್ ಹ್ಯಾ ಸ್ಪರ್ಧ್ಯಾ ಮುಕಾಂತ್ರ್ ವಿಂಚುನ್ ಕಾಡ್‍ಲ್ಲ್ಯಾ ತೆಗಾನಿಂ ಫಿರ್ಗಜೆ ಹಂತಾರ್ ಬೈಬಲ್ ಕ್ವಿಜ್ ಸ್ಪರ್ಧ್ಯಾಂತ್ ವಾಂಟೊ ಘೆತ್ಲೊ. ಅಕ್ತೋಬರಾಚಾ 15 ತಾರಿಕೆರ್ 3.30 ವರಾರ್ ನಾಂವ್ ನೊಂದಾವಣ್ ಕರ್ನ್ 4 ವರಾರ್ ಮಟ್ವೆಂ ಉಗ್ತಾವಣೆಚೆಂ ಕಾರ್ಯೆಂ ಮಾಂಡುನ್ ಹಾಡ್‍ಲ್ಲೆಂ. ಹ್ಯಾ ಕಾರ್ಯಾಚೆಂ ಸ್ವಾಗತ್ ಮಾನೆಸ್ತ್ ಸವಿಲ್ ಮಸ್ಕರೆನಾಸಾನ್ ಕೆಲೆಂ. ಉಪ್ರಾಂತ್ ಸ್ಫರ್ಧ್ಯಾಚೆಂ ಉಗ್ತಾವಣ್ ವಿಗಾರ್ ಬಾಪ್ ವಲೇರಿಯನ್ ಸೊಜಾನಿಂ ಕರ್ನ್ ಬರೊ ಸಂದೇಶ್ ದಿಲೊ. ಮಾನೆಸ್ತ್ ನೈಜಿಲ್ ಪಿರೇರಾನ್ ಉಪ್ಕಾರ್ ಬಾವುಡ್ಲೊ. ಸಹಾಯಕ್ ವಿಗಾರ್ ಮಾ|ಬಾ| ಎಡ್ವಿನ್ ಮೊನಿಸ್, ಫಿರ್ಗಜ್ ಗೊವ್ಳಿಕ್ ಪರಿಶದೆಚೆಚಿ ಉಪಾಧ್ಯಕ್ಷಿಣ್ ಮಾನೆಸ್ತಿನ್ ಸಿಸಿಲಿಯಾ ಪಿರೇರಾ ಹಾಜರ್ ಆಸ್‍ಲ್ಲಿ. ಹ್ಯಾ ಸ್ಪರ್ಧ್ಯಾಂತ್ ಪಯ್ಲೆಂ ಸ್ಥಾನ್ ಸಾಂ. ಫ್ರಾನ್ಸಿಸ್ ಸಾವೆರ್ ವಾಡೊ, ದುಸ್ರೆಂ ಸ್ಥಾನ್ ಸಾಂ. ಪಾವ್ಲ್ ವಾಡೊ, ತಿಸ್ರೆಂ ಸ್ಥಾನ್ ಸಾಂ. ತೊಮಾಸ್ ವಾಡ್ಯಾಕ್ ಲಾಬ್ಲೆಂ. ಕಾರ್ಯೆಂ ಮಾನೆಸ್ತಿನ್ ಅನಿತಾ ಡಿಸೋಜಾನ್ ಚಲವ್ನ್ ವೆಲೆಂ. ಹೊ ಬೈಬಲ್ ಕ್ವಿಜ್ ಸ್ಫರ್ಧೊ ಮಾ|ಬಾ|ನೀಲೇಶ್ ಕ್ರಾಸ್ತಾ ಆನಿ ಮಾ|ಬಾ|ಮೈಕಲ್ ಡಿಸೋಜ ಹಾಣಿಂ ಭೋವ್ ಆಪುರ್ಬಾಯೆನ್ ಚಲವ್ನ್ ವ್ಹೆಲೊ.
