ಫೆಬ್ರವರಿಚಾ 16 ತಾರೀಕೆ ಥಾವ್ನ್ 19 ತಾರೀಕೆ ಪರ್ಯಾಂತ್ ಆಮ್ಚ್ಯಾ ಮಿಲಾರ್ ಫಿರ್ಗಜಿಚ್ಯಾ ಉಗ್ಯಾ ಮೈದಾನಾರ್ ಮಹಾನ್ ರೆತಿರ್ ಮಾಂಡುನ್ ಹಾಡ್‍ಲ್ಲಿ. 16 ತಾರೀಕೆರ್ ಸುಕ್ರಾರಾ ದೀಸ್ ಆಮ್ಚೊ ಗೊವ್ಳಿ ಬಾಪ್ ಅ|ಮಾ|ಲುವಿಸ್ ಪಾವ್ಲ್ ಸೊಜ್ ಬಾಪಾನಿಂ ಮಿಸಾಚಾ ಬಲಿದಾನಾ ಮುಕಾಂತ್ರ್ ರೆತಿರೆಚಿ ಉಗ್ತಾವಣ್ ಕೆಲಿ ಆನಿ ಬರೆ ಮಾಗ್ಲೆಂ. ವಿಗಾರ್ ಬಾಪ್ ಮಾ|ವಲೇರಿಯನ್ ಸೊಜ್ ಹಾಣಿ ಸರ್ವಾಂಕ್ ಸ್ವಾಗತ್ ಕೆಲೊ. ಆಂದ್ರಪ್ರದೇಶಾಂತ್ಲ್ಯಾ ಆನಂದಾಶ್ರಮ್ ರೆತಿರ್ ಮಂದಿರಾಚೊ ದಿರೆಕ್ತೊರ್ ಮಾ|ಬಾ|ಆನಂದ್ ರೆಡ್ಡಿ ಹಾಣಿ ರೆತಿರೆಚಿ ಶಿಕವ್ಣ್ ಇಂಗ್ಲೀಷ್ ಭಾಶೆಂತ್ ದಿಲಿ ಆನಿ ಮಾನೆಸ್ತ್ ಡೊಲ್ಫಿ ಲೋಬೊ ಹಾಣಿ ಕೊಂಕ್ಣೆಂತ್ ತರ್ಜುಮೊ ಕೆಲೊ. ಮಾನೆಸ್ತ್ ಕ್ರಿಸ್ತೊಫರ್ ರೊಡ್ರಿಗಸ್ ಆನಿ ಫ್ರೀಡಾ ಆಲ್ಮೇಡಾ ಹಾಣಿ ಅರ್ಗಾಂ ಹೊಗ್ಳಾಪ್ ಆನಿ ಸ್ತುತಿ ಚಲವ್ನ್ ವ್ಹೆಲಿ ಆನಿ ದೈವಿಕ್ ಅನುಭವ್ ಜೊಡುಂಕ್ ಮಜತ್ ಕೆಲಿ. ಮಿಲಾರ್ ತಶೆಂಚ್ ವಿವಿಧ್ ಫಿರ್ಗಜೆ ಥಾವ್ನ್ ಚಡ್‍ಉಣೆಂ 3,500 ಲೋಕ್ ಹಾಜರ್ ಜಾವ್ನ್ ಅತ್ಮೀಕ್ ಬರೆಪಣ್ ಜೊಡ್ಲೆಂ
