40 ವರ್ಸಾಂ ಆನಿ ತಾಚಾಕೀ ಚಡಿತ್ ಲಗ್ನಾ ಜಿವಿತ್ ಜಿಯೆಲ್ಲ್ಯಾ ಜೊಡ್ಯಾಂಚೊ ದೀಸ್ ನವೆಂಬರಾಚಾ 4 ತಾರೀಕೆರ್ ಸಂಭ್ರಮ್ಲೊ. ಸರ್ವೆಸ್ಪರ್ ದೆವಾಚಾ ಕುರ್ಪೆನ್ ಲಗ್ನಾಚೊ ಸಾಕ್ರಾಮೆಂತ್ ಜೊಡ್ನ್ ಎಕಾಮೆಕಾಚಾ ಸಾಂಗಾತ್ಪಣಾಂತ್ 40 ವರ್ಸಾಂ ಆನಿ ಚಡಿತ್ ಜಿಯೆಂವ್ಕ್ ಫಾವೊ ಕೆಲ್ಲ್ಯಾ ಖಾತಿರ್ ಸಕಾಳಿಂ 9.30 ವರಾರ್ ಅರ್ಗಾಂ ಮಿಸಾಚೆಂ ಬಲಿದಾನ್ ಭೆಟಯ್ಲೆಂ. ವಿಗಾರ್ ಬಾಪ್ ವಲೇರಿಯನ್ ಸೊಜ್ ಹಾಣಿ ಮಿಸಾಚೆಂ ಬಲಿದಾನ್ ಭೆಟಯ್ಲೆಂ. ಉಪ್ರಾಂತ್ ಫಿರ್ಗಜ್ ಹೊಲಾಂತ್ ಮಟ್ವೆಂ ಕಾರ್ಯೆಂ ಮಾಂಡುನ್ ಹಾಡ್‍ಲ್ಲೆಂ. ಮಾನೆಸ್ತಿಣ್ ಲೂಸಿ ಲೋಬೊನ್ ಸರ್ವಾಂಕ್ ಸ್ವಾಗತ್ ಕೆಲೊ. ಸರ್ವ್ ಜೊಡ್ಯಾಂ ತರ್ಫೆನ್ ಮಾನೆಸ್ತ್ ಜೆ.ಎಫ್.ಡಿಸೋಜಾ ಆನಿ ಮಾನೆಸ್ತಿಣ್ ಟ್ರೆಸ್ಸಿ ಡಿಸೋಜಾನ್ ತಾಂಚೊ ಅನುಭವ್ ವಾಂಟುನ್ ಘೆತ್ಲೊ. ಪದಾಂ, ನಾಟ್ಕುಳೊ ಆನಿ ನೃತ್ಯ್ ಮುಖಾಂತ್ರ್ ಸರ್ವಾಂಚಿ ಕಾಳ್ಜಾಂ ಮನಾಂ ಸಂತೊಸ್ಭರಿತ್ ಕೆಲಿಂ. 33 ಜೊಡ್ಯಾಂನಿ ಹ್ಯಾ ಕಾರ್ಯಾಂತ್ ವಾಂಟೊ ಘೆತ್ಲೊ. ಕಾರ್ಯನಿರ್ವಾಹಕಿ ಜಾವ್ನ್ ಮಾನೆಸ್ತಿಣ್ ಎಡ್ನಾ ವೇಗಸ್ ಹಾಣಿ ಕಾರ್ಯೆಂ ಚಲಯ್ಲೆಂ. ಮಾನೆಸ್ತಿಣ್ ವಿಲ್ಮಾ ಆಂದ್ರಾದೆನ್ ಸರ್ವಾಂಚೊ ಉಪ್ಕಾರ್ ಭಾವುಡ್ಲೊ. ಜೆವ್ಣಾ ಸಂಗಿಂ ಕಾರ್ಯೆಂ ಸಂಪ್ಲೆಂ. ಸಗ್ಳೆಂ ಕಾರ್ಯೆಂ ಕುಟ್ಮಾ ಹಿತಾ ಸಮಿತಿಚಾ ಮುಕೆಲ್ಪಣಾರ್ ಅರ್ಥಾಭರಿತ್ ಥರಾನ್ ಮಾಂಡುನ್ ಹಾಡ್ಲೆಂ..
