ಸಪ್ಟೆಂಬರಾಚ್ಯಾ 17 ತಾರಿಕೆರ್ ಆಯ್ತಾರಾ ಸಕಾಳಿಂಚ್ಯಾ 9.30 ವೊರಾಂಚಾ ಮಿಸಾರ್ ಆಮಿ ದುಃಖಿ ಸಾಯ್ಭಿಣಿಕ್ ಮಾನ್ ಕೆಲೆಂ. ಮಿಸಾ ಉಪ್ರಾಂತ್ ದುಃಖಿ ಸಾಯ್ಭಿಣಿಚ್ಯಾ ಇಮಾಜೆ ಲಾಗಿಂ ಸರ್ವ್ ಸಾಂದೆ ಸಾಂಗಾತಾ ಮೆಳ್ಳ್ಯಾಂವ್. ನವ್ಯಾ ಸಾಂದ್ಯಾಂಕ್ ಪೀಂತ್ ದೀವ್ನ್ ಜಿಣಿಯೆ ಸಾಂದೊ ಕೆಲೆಂ. ಉಪ್ರಾಂತ್ಲೆ ಕಾರ್ಯೆಂ ಫಿರ್ಗಜೆಚ್ಯಾ ಸಭಾ ಸಾಲಾಂತ್ ಮುಂದರುನ್ ವ್ಹೆಲೆಂ.
ಆಮ್ಚ್ಯಾ ಫಿರ್ಗಜೆ ಥಾವ್ನ್ ಮಿಯಾಪದವ್ ಇಸ್ಕೊಲಾಚ್ಯಾ ದುರ್ಬಳ್ಯಾ 28 ಭುಗ್ರ್ಯಾಂಕ್ ಶಿಕ್ಪಾಕ್ ಕುಮೊಕ್ ಕರ್ತಾಂವ್, ತಾಂತು 18 ಭುಗ್ರ್ಯಾಂಕ್ ವಿಗಾರಾಚ್ಯಾ ಅನುಮತಿನ್ ಇಗರ್ಜೆ ಥಾವ್ನ್ ಕುಮೊಕ್ ಮೆಳ್ತಾ ಉರ್‍ಲ್ಲ್ಯಾ ಭುಗ್ರ್ಯಾಂಕ್ ಬರ್ಯಾ ಮನಾಚ್ಯಾ ದಾನಿ ಮುಕಾಂತ್ರ್ ಆಮಿ ಸೊಡೆಲಿಟಿಚಿಂ ಕುಮೊಕ್ ಕರ್ತಾಂವ್ ಆನಿ ಹ್ಯಾ ಫೆಸ್ತಾ ಸಂದರ್ಭಿ 30-28 ಭುರ್ಗಿಂ ಹಾಂಗಾಸರ್ ಯೆತಾತ್ ತಾಂಕಾಂ ಉಗ್ಡಾಸಾಚಿ ಕಾಣಿಕ್ ತಶೆಂಚ್ ಖರ್ಚಾ ಬಾಬ್ತಿನ್ ಥೊಡಿ ಕುಮೊಕ್ ಆಮಿ ದಿತಾಂವ್.
ಫೆಸ್ತಾ ದಿಸಾ ಹಾಜರ್ ಆಸ್‍ಲ್ಲ್ಯಾ ಸರ್ವಾಂಕ್ ಅಧ್ಯಕ್ಷಿಣ್ ಶ್ರೀಮತಿ ಹೊನೊರಾ ಪಿರೇರಾನ್ ಸ್ವಾಗತ್ ಕೆಲೆಂ ಶ್ರೀಮತಿ Flora Mascarenhas ಹಿಣೆಂ ವರ್ದಿ ವಾಚ್ಲಿ, ಹಾಜರ್ ಆಸ್‍ಲ್ಲ್ಯಾ ಸರ್ವಾಂಕ್ ವಿಗಾರ್ ಬಾಪಾನಿಂ ಸಂದೇಶ್ ದಿಲೊ. ಶ್ರೀಮತಿ ಡೋರಿಸ್ ಲೋಬೊ ಹಿಣೆಂ ಧನ್ಯವಾದ್ ಪಾಟಯ್ಲೆ.
ಖೆಳ್ ಆನಿ ಥೊಡೆಂ ಮನೋರಂಜನ್ ಕಾರ್ಯಕ್ರಮ್ ಆಸ್‍ಲ್ಲೆಂ. ಖೆಳಾಂತ್ ಜಿಕ್‍ಲ್ಲ್ಯಾಂಕ್ ಇನಾಮಾಂ ದಿಲಿ. ಅಶೆಂ ಅಖ್ರೇಚೆಂ ಮಾಗ್ಣೆಂ ಮ್ಹಣೊನ್ ಜೆವ್ಣಾ ಸವೆಂ ಕಾರ್ಯೆಂ ಆಕೇರ್ ಜಾಲೆಂ.
ಶ್ರೀಮತಿ ಅನಿತ ಡಿ’ಸೋಜಾ
.