ಮೊಗಾಚ್ಯಾ ಮಿಲಾರ್ ಫಿರ್ಗಜ್ ಗಾರಾನೊಂ,
ದೇವ್ ಬರೊ ದೀಸ್ ತುಮ್ಕಾಂ ಹಾಂವ್ ಮಾಗ್ತಾಂ,
ಕೊರೊನಾ ಪಿಡೆ ವರ್ವಿಂ ಪಾಟ್ಲ್ಯಾ ತೀನ್ ಮಹಿನ್ಯಾ ಥಾವ್ನ್ ಮಿಸಾಂ ನಾಸ್ತಾಂ ಮಾಗ್ಣ್ಯಾನ್ ಆನಿಂ ಕಷ್ಟಾನಿಂ ಮ್ಹಳ್ಳ್ಯಾಪರಿಂ ಆಮಿಂ ಆಸ್‍ಲ್ಲ್ಯಾಂವ್. ಗೊವ್ಳಿಬಾಪಾಂಚಾ ಆನಿಂ ಸರ್ಕಾರಾನ್ ದಿಲ್ಲ್ಯಾ ಆದೇಶಾ ಆನಿಂ ಹಿಶಾರ್ಯಾ ಪರ್ಮಾಣೆಂ, ಆಮ್ಚ್ಯಾ ದಿಯೆಸೆಜಿಂತ್ ಫಿರ್ಗಜಾನಿಂ ಮಿಸಾಚಿ ಬಲಿದಾನಾಂ ಎದೊಳ್‍ಚ್ಚ್ ಪ್ರಾರಂಭ್ ಜಾಲ್ಯಾಂತ್. ಮಿಲಾರ್ ಫಿರ್ಗಜೆಂತ್ ಮಿಸಾಂಚಾ ಬಲಿದಾನಾಂಕ್ ಸರ್ವ್ ಮಾಂಡಾವಳ್ ಆನಿಂ ತಯಾರಾಯ್ ಆಮಿಂ ಕೆಲ್ಯಾ. ಜೂನಾಚ್ಯಾ 20 ತಾರಿಕ್ ಸಾಂಜೆರ್ ಮ್ಹಳ್ಯಾರ್ ಫಾಲ್ಯಾಂ ಥಾವ್ನ್ ಆಮಿಂ ಮಿಸಾಂಚಿ ಬಲಿದಾನಾಂ ಪ್ರಾರಂಭ್ ಕರ್ತಾಂವ್. ಭಕ್ತಿಪಣಾನ್ ಆನಿಂ ಭಲಾಯ್ಕೆನ್ ಪವಿತ್ರ್ ಬಲಿದಾನಾಂ ಭೆಟಂವ್ಕ್ ತುಮ್ಚೊ ಸಹಕಾರ್ ಗರ್ಜೆಚೊ.
- ಸರ್ವ್ ಮಿಸಾಂ ಇಗರ್ಜೆಂತ್‍ಚ್ಚ್ ಆಸ್ತೆಲಿಂ.
- ಮಿಸಾಂಚೊ ವೇಳ್
- ಸನ್ವಾರಾ ಸಾಂಜೆರ್ 4 ವರಾರ್ (ಇಂಗ್ಲೀಷ್), 5.15 ವರಾರ್ (ಕೊಂಕಣಿ), ಆಯ್ತಾರಾ ಸಕಾಳಿಂ 6 ವರಾರ್ (ಕೊಂಕಣಿ), 7.15 ವರಾರ್ (ಕೊಂಕಣಿ), 8.30 ವರಾರ್ (ಇಂಗ್ಲೀಷ್), 10 ವರಾರ್ (ಕೊಂಕಣಿ), ಸಾಂಜೆರ್ 5 ವರಾರ್ (ಕೊಂಕಣಿ) ಆಸ್ತೆಲಿಂ.
- ಸದಾಂಚಿಂ ಮಿಸಾಂ ಜೂನಾಚ್ಯಾ 22 ತಾರಿಕೆ ಥಾವ್ನ್ ಸಕಾಳಿಂ 6 ವರಾರ್, 7 ವರಾರ್ ಆನಿಂ ಸಾಂಜೆರ್
5.30 ವರಾರ್ ಆಸ್ತೆಲಿಂ.
3.
- ಇಗರ್ಜೆಂತ್ ಸಕಾಳಿಂಚಿ ಮಾಗ್ಣಿಂ, ಮಿಸಾ ಪಯ್ಲೆಂ ವಾ ಉಪ್ರಾಂತ್ ತೇರ್ಸ್, ನೊವೆನಾಂ, ಸಾಕ್ರಾಮೆಂತಾಚೆಂ ಆರಾಧಾನ್ ಅಸಲಿಂ ಭಕ್ತಿಪಣಾಂ ಆಸ್ಚಿನಾಂತ್. ಇಗರ್ಜೆಂತ್ ಆಸ್ಚ್ಯಾ ಇಮಾಜೆಂಚೆಂ ಉಮೆ ಘೆಂವ್ಕ್ ಆಡ್ವಾರ್ಲಾಂ.
- ಆಯ್ತಾರಾಚಾ ಮಿಸಾಂಕ್ ಯೆತಾನಾ ಮುಕ್ಲ್ಯಾ ಪೋರ್ಟಿಕೊಂತ್ಲ್ಯಾನ್ ಭಿತರ್ ಸರ್ಚೆಂ. Volunteers ತುಮ್ಕಾಂ ಸರ್ಕಾರಾಚೆ ಹಿಶಾರೆ ಪಾಳುಂಕ್ ಕುಮಕ್ ಕರ್ತೆಲೆ. ಹಾತ್ sanitize ಕರ್ಚೆಂ ಆನಿಂ ಮಾಸ್ಕ್ ಘಾಲ್ಚೆಂ ಖಡ್ಡಾಯೆಚೆಂ. ಸಾಮಾಜಿಕ್ ಅಂತರ್ ಸರ್ವ್ ವೆಳಾ ಸಾಂಬಾಳ್ಚೊ. ಎಕಾಚ್ ಕುಟ್ಮಾಂಚಿ ಆಯ್ಲ್ಯಾಂತ್ ತರ್ ತುಮಿಂ ಸಾಂಗಾತಾ ಬಸ್ಚೆಂ. ಮಿಸಾ ಉಪ್ರಾಂತ್ ದೊನಿ ಕುಶಿಂಚ್ಯಾ ಬಾಗ್ಲಾನಿಂ ಭಾಯ್ರ್ ವೆಚೆಂ.
- ಮಾಗ್ಣ್ಯಾಚೆ ವಾ ಗಿತಾಂಚೆಂ ಬೂಕ್ ವಾಪಾರುಂಕ್ ನಾಂತ್.
- ಕುಮ್ಗಾರ್ ಹಾತಾರ್ ಘೆವ್ನ್ ಸೆಂವ್ಚೊ. ತುಮ್ಚಿಂ ಕಾಣಿಕ್ ಇಗರ್ಜೆಂತ್ ದವರ್ಲ್ಯಾ ಡಬ್ಬ್ಯಾಂತ್ ಘಾಲ್ಚಿ.
- ಇಗರ್ಜೆ ವಠಾರಾಂತ್ಲೆ washrooms ಅನಿವಾರ್ಯ್ ಗರ್ಜ್ ಪಡ್ಲ್ಯಾರ್ ವಾಪಾರ್ಚೆಂ.
- 10 ವರ್ಸಾಂ ಸಕಯ್ಲ್ಯಾ ಭುರ್ಗ್ಯಾಂನಿಂ ಆನಿಂ 65 ವರ್ಸಾಂ ವಯ್ಲ್ಯಾ ಮಾಲ್ಘಡ್ಯಾನಿಂ ತ್ಯೆಚ್ ಪರಿಂ ಹೆರ್ ಭಲಾಯ್ಕೆಚಿ ಪರಿಸ್ಥಿತಿ ಬರಿನಾತ್ಲ್ಯಾನಿಂ(ಶೆಳ್, ತಾಪ್, ಕೊಂಕ್ಲಿ ಯಾ ಹೆರ್ ಪಿಡಾ ಆಸ್ಲೆಲ್ಯಾನಿಂ) ಮಿಸಾಂಕ್ ಯೇಂವ್ಕ್ ಆಡ್ವಾರ್ಲಾಂ.
- ಮಿಸಾಚ್ಯಾ ಆಕ್ರೆಚ್ಯೊ ತಿಳ್ಸೊಣ್ಯೊ/announcements ವೆಬ್‍ಸಾಯ್ಟಾರ್ ಫಾಯ್ಸ್ ಕರ್ತೆಲ್ಯಾಂವ್.
- ಚಡ್ತಿಕ್ ಸೂಚನಾಂ ಆನಿಂ ಹಿಶಾರೆ ಮಿಲಾರ್ ವೆಬ್‍ಸಾಯ್ಟಾರ್ ತುಮಿಂ ಪಳೆಂವ್ಚಿಂ.
ತುಮ್ಕಾಂ ಸರ್ವಾಂಕ್ ಮಿಲಾರ್ ಇಗರ್ಜೆಕ್ ಮಿಸಾಂಚಾಂ ಪವಿತ್ರ್ ಬಲಿದಾನಾಂಕ್ ಹಾರ್ಧಿಕ್ ಸ್ವಾಗತ್ ಮಾಗ್ತಾಂ.