ಸಪ್ಟೆಂಬರ್ 30 ತಾರಿಕ್ ಸನ್ವಾರಾ ಸಾಂಜೆರ್ 5.30 ವರಾರ್ ಅರ್ಗಾಂ ಮಿಸಾಚ್ಯಾ ಬಲಿದಾನಾ ಸವೆಂ ವಾಡ್ಯಾಚ್ಯಾ ಫೆಸ್ತಾಚಿ ಸುರ್ವಾತ್ ಕೆಲೆಂ. ಬಾ| ಎಡ್ವಿನ್ ಮೊನಿಸ್ ಹಾಣಿಂ ಮಿಸಾಚೆಂ ಬಲಿದಾನ್ ಭೆಟಯ್ಲೆಂ ಆನಿ ವಾಡ್ಯಾಕ್ ಬರೆಂ ಮಾಗ್ಲೆಂ.
ಉಪ್ರಾಂತ್ಲಿಂ ಕಾರ್ಯಿಂ ಫಿರ್ಗಜಿಚ್ಯಾ ಸಭಾ ಸಾಲಾಂತ್ ಮಾಂಡುನ್ ಹಾಡ್‍ಲ್ಲಿಂ. ಹೆಂ ವರಸ್ ಲ್ಹಾನ್ ಕ್ರಿಸ್ತಾಂವ್ ಸಮುದಾಯೆಚೆಂ ವರಸ್ ಜಾಲ್ಲೆ ನಿಮ್ತಿ ಆಮ್ಚೊ ಅಧ್ಯಕ್ಷ್ (ವಿಗಾರ್) ಬಾಪ್ ವಲೇರಿಯನ್ ಡಿ’ಸೋಜಾ ಹಾಂಚ್ಯಾ ಹಾತಾಂತ್ ಪವಿತ್ರ್ ಬೈಬಲ್ ತಶೆಂಚ್ ಉಪಾಧ್ಯಕ್ಷಿಣ್ ಸಿಸಿಲಿಯಾ ಪಿರೇರಾ ಆನಿ ಬಾ| ಮ್ಯಾಕ್ಸಿ ಡಿ’ಸೋಜಾ ಹಾಂಚ್ಯಾ ಹಾತಾಂತ್ ದಿವೊ ಘೆವ್ನ್ ತಿಂ ಸಾಲಾಂತ್ ರಿಗ್ತಾಸ್ತಾನಾ ಜೆಜುಕ್ ಸ್ವಾಗತ್ ಕರ್ನ್ ಗೀತ್ ಗಾಯ್ಲೆಂ ಆನಿ ಸರ್ವ್ ಮಾನಾಂಚ್ಯಾ ಸಯ್ರ್ಯಾಂನಿ ವೆದಿ ಸೊಭಯ್ಲಿ.
ಹಾಜರ್ ಆಸ್‍ಲ್ಲ್ಯಾ ಸರ್ವಾಂಕ್ ವಾಡ್ಯಾಚಿ ಪ್ರತಿನಿಧಿ ಶ್ರೀಮತಿ ಅವೀನಾ ಡಿ’ಸೋಜಾನ್ ಸ್ವಾಗತ್ ಕೆಲೆಂ, ವಾರ್ಷಿಕ್ ವರ್ದಿ ಪ್ರತಿನಿಧಿ ಶ್ರೀಮಾನ್ ಡೊಲ್ಫಿ ಡಿ’ಸೋಜಾನ್ ವಾಚ್ಲಿ.
ಶಿಕ್ಪಾಂತ್ ತಶೆಂಚ್ ಹೆರ್ ಸಂಗ್ತಿಂತ್ ಉತ್ತೀಮ್ ಅಂಕ್ ಜೊಡ್‍ಲ್ಲ್ಯಾ ಭುಗ್ರ್ಯಾಂಕ್ ಉಗ್ಡಾಸಾಚಿ ಕಾಣಿಕ್ ದಿಲಿ. ಪ್ರತ್ಯೇಕ್ ಜಾವ್ನ್ ಕುಮಾರಿ ಅನ್ವಿಯಾ ಡಿ’ಸೋಜ ಹಾಣೆಂ (NEET) National Eligibility Entrance Exam ಹಾಂತು ಬರೆ ಅಂಕ್ ಜೊಡುನ್ ಫಾದರ್ ಮುಲರ್ಸ್ ಆಸ್ಪತ್ರೆಂತ್ MBBS ಶಿಕ್ಪಾಕ್ ಸೀಟ್ ಆಪ್ಣಾಯ್ಲ್ಯಾ , ತಾಚ್ಯಾ ಉದರ್ಗತೆಕ್ ವಿಗಾರ್ ಬಾಪಾಂನಿ ತಾಕಾ ಆನಿ ತಾಚ್ಯಾ ಆವಯ್-ಬಾಪಾಯ್ಕ್ ಅಭಿನಂದನ್ ಪಾಟಯ್ಲೆ. ಉಪ್ರಾಂತ್ ವಾಡ್ಯಾಕ್ ಉದ್ದೇಶುನ್ ವಾಡ್ಯಾಂತ್ ಜಾಲ್ಲ್ಯಾ ಸರ್ವ್ ಬರ್ಯಾ ಕಾಮಾ ಖಾತಿರ್ ಗುರ್ಕಾರ್ನಿಕ್ ಆನಿ ವಾಡ್ಯಾ ಪ್ರತಿನಿಧಿಂಕ್, ಏರಿಯಾ ಲೀಡರಾಂಕ್ ಆನಿ ಸರ್ವ್ ವಾಡ್ಯಾಗಾರಾಂಕ್ ಬರೆಂ ಮಾಗ್ಲೆಂ. ಸಾಂ. ಪೆದ್ರುಚಿ ಆಶೀರ್ವಾದಾಂ ತುಮ್ಚೆರ್ ಆಸೊಂದಿತ್ ಮ್ಹಣ್ ಸಾಂಗ್ಲೆಂ.
ಮೊಂತಿ ಫೆಸ್ತಾಚೆಂ ನವ್ಯಾಚೆರ್ ಮ್ಹಣ್ಜೆ ವೋರ್ನಾಚೆರ್ ಬಾ| ಎಡ್ವಿನ್ ಮೊನಿಸ್ ಹಾಣಿಂ ಆಶೀರ್ವಾದ್ ಘಾಲ್ನ್ ವಾಡೊ ಬರ್ಯಾ ರಿತಿನ್ ಯಶಸ್ವಿ ಜಾಂವ್ಕ್ ಮರಿಯೆ ಮಾಯೆಚೊ ಆಧಾರ್ ಮಾಗ್ಲೊ.
ಮಾನೆಸ್ತ್ ವಲೇರಿಯನ್ ಡಿ’ಸೋಜ ಹಾಣಿಂ ಸರ್ವಾಂಕ್ ಧನ್ಯವಾದ್ ಪಾಟಯ್ಲೆ. ಮಾನೆಸ್ತ್ ಪ್ರೇಮ್ ಲೋಬೊ ಆನಿ ಸಾಂಗಾತ್ಯಾನ್ ಮನೋರಂಜನ್ ಆನಿ ಖೆಳ್ ಚಲವ್ನ್ ವ್ಹೆಲೆ.
ಡ್ಯಾನ್ಸ್ ಕೆಲ್ಲ್ಯಾ ಭುಗ್ರ್ಯಾಂಕ್, ಖೆಳಾಂತ್ ಜಿಕ್‍ಲ್ಲ್ಯಾಂಕ್ ಆನಿ ವಾಡ್ಯಾಚ್ಯಾ ಫೆಸ್ತಾಕ್ ಫುಲ್ ಯಾ ಫುಲಾಚಿ ಪಾಕ್ಳಿ ದೀವ್ನ್ ಕುಮೊಕ್ ಕೆಲ್ಲ್ಯಾ ಸರ್ವಾಂಕ್ ಇನಾಮಾಂ ಆನಿ ಉಗ್ಡಾಸಾಚಿ ಕಾಣಿಕ್ ದಿಲಿ. ವಾಡ್ಯಾ ಥಾವ್ನ್ ಮೆಳ್ಚ್ಯಾ ಸಹಕಾರಕ್ ಗುರ್ಕಾರ್ನಿನ್ ಸರ್ವಾಂಚೊ ಉಪ್ಕಾರ್ ಭಾವುಡ್ಲೊ.
ಬಾ| ಮ್ಯಾಕ್ಸಿ ಡಿ’ಸೋಜ ಹಾಣಿಂ ಜೆವ್ಣಾಚೆರ್ ಆಶೀರ್ವಾದ್ ಮಾಗ್ಲೊ. ಹೆಂ ಸಗ್ಳೆಂ ಕಾರ್ಯೆ ಚಲವ್ನ್ ವ್ಹೆಲ್ಲಿಂ ಜಾವ್ನಾಸಾತ್ ಕು| ಕ್ರಿಸೆಲ್ ಫೆರ್ನಾಂಡಿಸ್ ಆನಿ ಕು| ಎಲ್ವಿಶಾ ಮೊಂತೆರೋ.
ಶ್ರೀಮತಿ ಅನಿತ ಡಿ’ಸೋಜಾ, ಗುರ್ಕಾರ್ನ್