ಜನವರಿಚ್ಯಾ 21 ತಾರೀಕೆರ್ ಸಾಂ. ಲೂವಿಸ್ ವಾಡ್ಯಾಗಾರಾಂಕ್ ಏಕ್ ವಿಶೇಷ್ ದೀಸ್. ಸರಿ ಸುಮಾರ್ 68 ಲ್ಹಾನಾಂ ತಶೆಂಚ್ ವ್ಹಡಾಂ ವಾಡ್ಯಾಗಾರಾಂ ಸಾಂಗಾತಾ ಮೆಳೊನ್ ಕುಳಾಯ್ಚ್ಯಾ ರೆಸಾರ್ಟಾಂತ್ ಪಿಕ್‍ನಿಕ್ ಕರ್ನ್ ಉಡಾಸ್ ಉರ್ಚೊ ತಸೊ ತೊ ದೀಸ್.
ಸುರ್ವಾತ್ ಜಾವ್ನ್ ಸಾಂಗಾತಾ ಮಾಗ್ಣೆಂ ಕರ್ನ್ ಆನಿ ಹ್ಯಾ ದಿಸಾಚೆರ್ ದೆವಾಚೊ ಆಶೀರ್ವಾದ್ ಮಾಗ್ಲೊ. ಸಕಾಳಿಂಚೊ ನಷ್ಟೊ ಜಾಲ್ಲ್ಯಾ ಉಪ್ರಾಂತ್, ವ್ಹಡಾಂಕ್ ಆನಿ ಲ್ಹಾನಾಂಕ್ ಗೇಮ್ಸ್ ಕರ್ನ್ ಸರ್ವಾಂ ಸಂತೊಸ್ ಪಾವ್ಲ್ಯಾಂವ್.ದೊನ್ಪರಾಚ್ಯಾ ಜೆವ್ಣಾ ಉಪ್ರಾಂತ್ ಸುಮಾರ್ 2:30 ವರಾಂ ಪರ್ಯಾಂತ್, ಸಕ್ಡಾಂನೀ ಖುಶೆ ಪರ್ಮಾಣೆಂ relax ಕರುಂಕ್ ಆವ್ಕಾಸ್ ಕರ್ನ್ ದಿಲೊ (ಥೊಡಿ ನೀದ್, ಥೊಡ್ಯೊ ಗಜಾಲಿ, ಥೊಡೆ ಖೆಳ್, ಕಾಣಿಯೊ) ಅಶೆಂ ವೇಳ್ ಪಾಶಾರ್ ಕರ್ನ್ ಭರ್ತಿ ಅಡೇಜ್ ವರಾರ್ ವಾಡ್ಯಾ ಜಮತೆಕ್ ಸರ್ವಾಂ ಸಾಂಗಾತಾ ಮೆಳ್ಳ್ಯಾಂವ್.
ಸುರ್ವೆರ್ ಏಕ್ ಕಂತಾರಾದ್ವಾರಿಂ ಸರ್ವಾನಿಂ, ಜೆಜುಕ್ ಪರಿಸರಾಂತ್ ಸ್ವಾಗತ್ ಕೆಲೊ. ಹಾಜರ್ ಜಾಲ್ಲ್ಯಾ ಜೆಜುಕ್ ಮೌನ್‍ಪಣಿಂ, ಉತ್ರಾಂದ್ವಾರಿಂ ಆರಾಧಾನ್ ಕೆಲೊ.ಹಾಚೆ ಉಪ್ರಾಂತ್ ದೆವಾಚೆಂ ಉತರ್ ವಾಚುನ್, ನಿಯಾಳ್ ಕರ್ನ್, ವಾಡ್ಯಾಚ್ಯಾ/ಫಿರ್ಗಜೆಚ್ಯಾ ವಿವಿಧ್ ಗರ್ಜಾಂ ಪಾಸತ್ ಮಾಗ್ಣಿಂ ಭೆಟಯ್ಲಿಂ. ಹ್ಯಾಚ್ ವೆಳಾರ್ ವಿಗಾರ್‍ಬಾಪಾನಿಂ, ಆಪೆÇ್ಲ ಸಂದೇಶ್ ದೀವ್ನ್, ವಾಡ್ಯಾಚಿ ಆನಿ ವಾಡ್ಯಾಗಾರಾಂಚಿ ಹೊಗ್ಳಿಕ್ ಉಚಾರ್ಲಿ.ಹ್ಯಾ ವೆಳಾ ಡಿಸೆಂಬರಾಂತ್ “ವಾಡ್ಯಾಂತ್ ಕ್ರಿಸ್ಮಸ್” ಹ್ಯಾ ಬಾಬ್ತಿಂ ಆಸಾ ಕೆಲ್ಲ್ಯಾ ಸಾಂ. ಲೂವಿಸ್ ವಾಡ್ ಗರ್ದನಾಚೊ ಗೊಟೊ ಸ್ಪರ್ಧ್ಯಾಂತ್ ಇನಾಮಾಂ ಆಸ್‍ಲ್ಲ್ಯಾಂಕ್, ವಿಗಾರ್ ಬಾಪಾನಿಂ ಇನಾಮಾಂ ವಾಂಟ್ಲಿಂ. ಅಶೆಂ coffee/snacks ಜಾವ್ನ್ 3.30 ವರಾರ್ ಜಮತ್ ಸಂಪಯ್ಲಿ.
ವಾಡ್ಯಾ ಜಮತ್ ಸಂಪೈಲ್ಯಾ ಉಪ್ರಾಂತ್ ದರ್ಯಾದೆಗೆಕ್ ವಚೊನ್ ಉದ್ಕಾಂತ್ ವೇಳ್ ಪಾಶಾರ್ ಕರ್ನ್ ಮೊಸ್ತು ಸಂತೊಸ್ ಪಾವ್ಲಿಂ. ಅಶೆಂ ಸಾಂಜೆರ್ 5.00 ಪರ್ಯಾಂತ್, ದರ್ಯಾದೆಗೆರ್ ವೇಳ್ ಪಾಶಾರ್ ಕರ್ನ್ ನಿಮಾಣೆಂ ಮಾಗ್ಣೆಂ ಕರ್ನ್ ಹೊ ದೀಸ್ ಸಂಪಯ್ಲೊ. ಸಗ್ಳೊ ದೀಸ್ ಬರ್ಯಾನ್ ಪಾಶಾರ್ ಕರುಂಕ್ ಸಹಕಾರ್ ದಿಲ್ಲ್ಯಾ ಸರ್ವಾಂಚೊ ಗುರ್ಕಾರ್ನಿನ್ ಪ್ರತ್ಯೇಕ್ ಥರಾನ್ ದೇವ್ ಬರೆಂ ಕರುಂ ಮ್ಹಳೆಂ. ಅಶೆಂ 5.30 ವರಾರ್ ಸಗ್ಳಿಂ ಪಾಟಿಂ ಕೊಡ್ಯಾಳ್ ಯೇವ್ನ್ ಆಪಾಪ್ಲ್ಯಾ ಘರಾ ಪಾವ್ಲ್ಯಾಂವ್. ಆಮ್ಚ್ಯಾ ಸಾಂಗಾತಾ ವಿಗಾರ್ ಬಾಪ್, ಸಹಾಯಕ್ ವಿಗಾರ್ ಬಾಪ್, ಆನಿ ಮಿಲಾಗ್ರಿಸ್ ಹೈಸ್ಕೂಲಾಚೆ ಮುಖೆಲ್ ಮೆಸ್ತ್ರಿ ಹಾಜರ್ ಆಸ್‍ಲ್ಲೆ ಆಮ್ಕಾಂ ಸಂತೊಸಾಚಿ ಗಜಾಲ್.
ಶಾಂತಿ ಡಾಯಸ್
ವಾಡ್ಯಾ ಪ್ರತಿನಿದಿ