ಜುಲೈಚಾ 1 ತಾರಿಕೆರ್ ಸಾಂ. ಲೂವಿಸ್ ವಾಡ್ಯಾಗಾರಾಂನಿ ಅಪೆÇ್ಲ ಪಾತ್ರೊನ್ ಸಾಂತ್. ಲೂವಿಸ್ ಗೊನ್ಜಾಗಾ ಹಾಚೆ ಫೆಸ್ತ್ ಆಚರಣ್ ಕೆಲೆಂ. ಆಯ್ತಾರಾ ಸಕಾಳಿಂ 9.30 ವರಾರ್ ಮಿಸಾಚೆಂ ಬಲಿದಾನ್ ಭೋವ್ ಅರ್ಥಾಭರಿತ್ ಆನಿ ಭಕ್ತಿಪಣಾನ್ ಸಂಭ್ರಮ್ಲೆಂ. ಪ್ರಧಾನ್ ಯಾಜಕ್ ಜಾವ್ನ್ ಆಮ್ಚೆ ವಿಗಾರ್ ಬಾಪ್ ಮಾನಾಧಿಕ್ ವಲೇರಿಯನ್ ಡಿಸೋಜ, ತಶೆಂಚ್ ಸಾಂ. ಲೂವಿಸ್ ಸಂಸ್ಥ್ಯಾಚೆ ಆಟ್ ಜಣ್ ಪಾದ್ರ್ಯಾಬ್ ಹಾಜರ್ ಆಸ್‍ಲ್ಲೆ. ಸರ್ವ್ ವಾಡ್ಯಾಗಾರಾಂನಿ, ಮಿಸಾಚಾ ಬಲಿದಾನಾಂತ್ ಭಕ್ತಿಪಣಾನ್ ವಾಂಟೊ ಘೆತ್ಲೊ. ಆಮ್ಚ್ಯಾ ವಾಡ್ಯಾಂತ್ಲ್ಯಾ ಸರ್ವ್ ಭುರ್ಗ್ಯಾಂನಿ ಕಾಣಿಕೆಚೊ ಪುರ್ಶಾಂವ್ ಕಾಡ್ಲೊ.
ಮಿಸಾ ಉಪ್ರಾಂತ್ ಫೆಸ್ತಾಚೊ ಸಂಭ್ರಮ್ ಆಚರಣ್ ಕರುಂಕ್ ಫಿರ್ಗಜ್ ಸಾಲಾಂತ್ ಸಾಂಗಾತಾ ಮೆಳ್ಳ್ಯಾಂವ್. ಕಾರ್ಯಾಚೆ ಅಧ್ಯಕ್ಷ್ ಜಾವ್ನ್ ಜಾವ್ನ್ ಮೊಗಾಳ್ ವಿಗಾರ್ ಬಾಪ್, ಸಾಂ. ಲೂವಿಸ್ ಸಂಸ್ಥ್ಯಾಚೊ ಬಾಪ್ ಪ್ರವೀಣ್ ಮಾರ್ಟಿಸ್, ತಶೆಂಚ್ ಫಿರ್ಗಜಿಚೆ ಆನಿ ಸಾಂ. ಲೂವಿಸ್ ಸಂಸ್ಥ್ಯಾಚೆ ಸರ್ವ್ ಯಾಜಕ್ ಹ್ಯಾ ಕಾರ್ಯಾಕ್ ಹಾಜಾರ್ ಜಾವ್ನ್ ಆಮ್ಚೊ ಸಂತೊಸ್ ಚಡಯ್ಲೊ. ತಶೆಂಚ್ ಗೊವ್ಳಿಕ್ ಪರಿಷದೆಚೊ ಕಾರ್ಯದರ್ಶಿ ಶ್ರೀಮಾನ್ ಐವನ್ ಫೆರ್ನಾಂಡಿಸ್ ಹಾಜರ್ ಆಸ್‍ಲ್ಲೆ. ಕುಮಾರಿ Emerita Pearlನ್ ಪ್ರಾರ್ಥನಾ ನೃತ್ಯ ಸವೆಂ ಕಾರ್ಯಕ್ರಮಾಚಿ ಸುರ್ವಾತ್ ಕೆಲಿ. ಉಪ್ರಾಂತ್ ವೆದಿ ವಯ್ಲ್ಯಾ ಸೈರ್ಯಾಂನಿ ದಿವೊ ಪೆಟೊನ್ ಸಕ್ಡಾಂಕೀ ಸ್ವಾಗತ್ ಮಾಗ್ಲೊ. ಗುರ್ಕಾರ್ನ್ ಶ್ರೀಮತಿ ನ್ಯಾನ್ಸಿ ಮಿನೇಜಸ್ ಹಿಣೆ ವೆದಿರ್ ಆಸ್‍ಲ್ಲ್ಯಾ ಸರ್ವ್ ಯಾಜಾಕಾಂಕ್ ಫುಲಾಂ ದೀವ್ನ್ ಮಾನ್ ಕೆಲೊ. ತಶೆಂಚ್ ಅಪವ್ಣ್ಯಾಕ್ ಪಾಳೊ ದೀವ್ನ್ ಹಾಜರ್ ಆಸ್‍ಲ್ಲ್ಯಾ ಸರ್ವ್ ಸಾಂ. ಲೂವಿಸ್ ಸಂಸ್ಥ್ಯಾಚ್ಯಾ ಆನಿ ಮಿಲಾರ್ ಫಿರ್ಗಜೆಚ್ಯಾ ಯಾಜಾಕಾಂಕ್, ಬ್ರದರ್ಸಾಕ್, ಗುರ್ಕಾರಾಂಕ್, ವಾಲ್ಟರ್ ನಜ್ರೆತ್ ಆನಿ ಸಿಪ್ರಿಯನ್ ವಾಸ್ ಹಾಂಕಾಯೀ ಫುಲಾಂ ದೀವ್ನ್ ಸ್ವಾಗತ್ ಕೆಲೊ. ಶ್ರೀಮತಿ ಮೇರಿ ಸಲ್ಡಾನ್ಹಾ ಹಿಣೆ ವಾಡ್ಯಾಚಿ ವಾರ್ಷಿಕ್ ವರ್ದಿ ಮಂಡನ್ ಕೆಲೆಂ. ತಶೆಂಚ್ ಶಿಕ್ಪಾ ಕ್ಷೇತ್ರಾಂತ್ ಮ್ಹಣ್ಜೆ ಧಾವಿ, ಪಿಯುಸಿ, ಡಿಗ್ರಿ, ಪಯ್ಲೊ ಕುಮ್ಗಾರ್, ದೊತೊರ್ನಿಂತ್ ಆನಿ ಉಂಚ್ಲ್ಯಾ ಶಿಕ್ಪಾಂತ್ ಸಾಧನ್ ಕೆಲ್ಲ್ಯಾ ಸರ್ವ್ ಭುರ್ಗ್ಯಾಂಕ್ ಮುಖೆಲಿ ಸೈರ್ಯಾಂನಿ ಫುಲಾಂ ಆನಿ ಕಾಣಿಕ್ ದೀವ್ನ್ ಅಭಿನಂದನ್ ಪಾಟೈಲೆ. ತಶೆಂಚ್ ವಾಡ್ಯಾಂತ್ ನಿಸ್ವಾರ್ಥ್ ಸೆವಾ ದಿಂವ್ಚ್ಯಾ ವಾಡ್ಯಾಗಾರಾಂಕ್ ಫುಲಾಚೊ ಮಾನ್ ಕೆಲೊ.
ಹ್ಯಾಚ್ ವೆಳಾರ್ ವಾಡ್ಯಾಂತ್ಲ್ಯಾ ದೊಗಾಂಕ್, ಮಾನೆಸ್ತ್ ಬಾಜಿಲ್ ಮಿನೇಜಸ್ ಆನಿ ಡೊ|ಬೀನಾ ಲೋಬೊಕ್ ವಾಡ್ಯಾ ತರ್ಫೆನ್ ಮಾನ್ ಕೆಲೊ. ಕಾರಾಣಾಂತರ್ ಜಾವ್ನ್ ಡಾ| ಬೀನಾ ಹಾಜರ್ ನಾತ್‍ಲ್ಲಿ ತರೀ, ತಿಕಾ ಮಾನ್ ಪಾಟಯ್ಲೊ. ಆನಿ ಉಪ್ರಾಂತ್ ತಿಚಾ ಘರಾ ವಚೊನ್ ಮಾನಾಚ್ಯೊ ವಸ್ತು ಪಾವಿತ್ ಕೆಲ್ಯೊ.
ಅಧ್ಯಕ್ಷ್ ಮಾನಾಧಿಕ್ ಬಾಪ್ ವಲೇರಿಯನ್ ಡಿಸೋಜ ಆನಿ ಮುಖೆಲ್ ಸೈರೆ ಮಾನಾಧಿಕ್ ಬಾಪ್ ಪ್ರವೀಣ್ ಮಾರ್ಟಿಸ್ ಹಾಣಿ ಅಪುರ್ಬಾಯೆಚೊ ಅರ್ಥಾಭರಿತ್ ಸಂದೇಶ್ ದೀವ್ನ್ ಫೆಸ್ತಾಚೆ ಅಭಿನಂದನ್ ಪಾಟಯ್ಲೆ. ಮಾನೆಸ್ತ್ ಅರುಣ್ ಸಲ್ಡಾನಾನ್ ಧನ್ಯವಾದ್ ಅರ್ಪಿಲೆ.
ವಾಡ್ಯಾಚ್ಯಾ ಗೀತಾ ಸಂಗಿ, ಮನೋರಂಜನ್ ಚಲವ್ನ್ ವ್ಹೆಲೆಂ. ಹ್ಯಾ ಮನೋರಂಜನಾಂತ್ ಸಂಗೀತ್, ನೃತ್ಯ್, ನಾಟ್ಕುಳೊ ಆನಿ ಖೆಳ್ ಆಸಾ ಕೆಲ್ಲೆಂ. ಖೆಳಾಂತ್ ಜಿಕ್‍ಲ್ಲ್ಯಾ ಭುರ್ಗ್ಯಾಂಕ್ ಇನಾಮಾಂ ವಾಂಟ್ಲಿ. ಸಗ್ಳ್ಯಾ ಕಾರ್ಯಾಕ್ ಯಾಜಕ್, ಬ್ರದರ್ಸ್, ವ್ಹಡಾಂ, ಲ್ಹಾನಾಂ ಹಾಜರ್ ಆಸೊನ್ ಸರ್ವ್ ವಾಡ್ಯಾಗಾರಾಂ ಸಾಂಗಾತಾ ಮೆಳೊನ್ ವರ್ತ್ಯಾ ಸಂತೊಸಾನ್ ಜೆವಾಣ್ ಸ್ವೀಕಾರ್ ಕೆಲೆಂ.
ಸಗ್ಳೆಂ ಕಾರ್ಯೆಂ Rasha, Mathew ಅನಿ Emerita ನ್ ಚಲವ್ನ್ ವ್ಹೆಲೆಂ. ಫೆಸ್ತಾಕ್ ಹಾಜರ್ ಜಾಂವ್ಕ್ ನಾತ್‍ಲ್ಲ್ಯಾ ಮಾಲ್ಘಾಡ್ಯಾಂಕ್ ಆನಿ ಪಿಡೆಸ್ತಾಂಕ್ ವಾಡ್ಯಾಗಾರಾಂನಿ ಭೆಟ್ ದೀವ್ನ್ ಫಳಾಂ ಆನಿ ಆಮಂತಣ್ ದೀವ್ನ್ ಬರೆಂ ಫೆಸ್ತ್ ಮಾಗ್ಲಾಂ. ಫೆಸ್ತಾಚಾ ಮಿಸಾಕ್ ಕಾಣಿಕ್ ಹಾಡ್‍ಲ್ಲ್ಯಾ ಭುರ್ಗ್ಯಾಂಕ್ , ಸಗ್ಳೆಂ ಫೆಸ್ತ್ ಆಚರಣ್ ಕರುಂಕ್ ಸಹಕಾರ್ ದಿಲ್ಲ್ಯಾ ವಾಲ್ಟಿ ಆನಿ ಸರ್ವ್ ವಾಡ್ಯಾಗಾರಾಂಕ್ ದೇವ್ ಬರೆಂ ಕರುಂ ಮ್ಹಣ್ತಾಂವ್.
ವರ್ದಿ – ಶ್ರೀಮತಿ ಶಾಂತಿ ಡಾಯಸ್
ಸಾ. ಲೂವಿಸ್ ವಾಡೊ