ಅಗೋಸ್ತಾಚ್ಯಾ 15 ತಾರಿಕೆರ್ ಸಕಾಳಿಂ 8 ವರಾರ್, ಕಥೊಲಿಕ್ ಸಭೆಚ್ಯಾ ಮುಖೆಲ್ಪಣಾರ್ ಮಿಲಾರಾಂತ್ ಧ್ವಜಾರೋಹಣ್ ಕಾರ್ಯೆಂ ಮಾಂಡುನ್ ಹಾಡ್ಲೆಂ. ಅಧ್ಯಕ್ಷ್ ಹೊನೊರಾ ಪಿರೇರಾನ್ ಮುಖೆಲ್ ಸಯ್ರೊ ಜಾವ್ನ್ ಆಯ್ಲ್ಯಾ ಆಮ್ಚ್ಯಾ ವಿಗಾರ್ ಮಾ|ಬಾ|ಜೋಸೆಫ್ ಲೋಬೊಕ್ ಫುಲಾಂ ತುರೊ ದೀವ್ನ್ ಸ್ವಾಗತ್ ಕರ್ನ್, ಉಪ್ರಾಂತ್ ಆಯಿಲ್ಲ್ಯಾ ಸರ್ವಾಂಕ್ ಸ್ವಾಗತ್ ಕೆಲೊ. ಮುಖೆಲ್ ಸಯ್ರ್ಯಾಂನಿ ಧ್ವಜಾರೋಹಣ್ ಕರ್ನ್ ತಾಂಚೊ ಸಂದೇಶ್ ದಿಲೊ. ಖಜನ್ದಾರ್ನ್ ಡೈನಾ ಡಿಸೋಜನ್ ಮುಖೆಲ್ ಸಯ್ರ್ಯಾಂಚಿ ಪರಿಚಯ್ ಮಟ್ವ್ಯಾನ್ ಕರ್ನ್ ದಿಲಿ. ಹ್ಯಾ ಕಾರ್ಯಾಕ್ ಫಿರ್ಗಜ್ ಯಾಜಾಕ್ ಹಾಜರ್ ಆಸ್‍ಲ್ಲೆ. ಮಿಲಾರ್ ಇಸ್ಕೊಲಾಚೆಂ ಬ್ಯಾಂಡ್ ಆನಿ ಎನ್.ಸಿ.ಸಿ. ಭುರ್ಗ್ಯಾಂನಿ ಆಮ್ಚ್ಯಾ ಕಾರ್ಯಾಚಿ ಸೊಭಾಯ್ ದೊಡ್ತಿ ಕೆಲಿ. ಫಿರ್ಗಜ್ ಗಾಯನ್ ಮಂಡಳಿನ್ ಆಮ್ಕಾಂ ಸಾಂಗಾತ್ ದಿಲೊ. ಫಿರ್ಗಜ್ ತರ್ಫೆನ್ ಫಿರ್ಗಜೆಚ್ಯಾ, ಹೊಲಾಚ್ಯಾ ಆನಿ ಇಸ್ಕೊಲಾಚ್ಯಾ ಸೆಕ್ಯುರಿಟಿ ಗಾರ್ಡಾಂಕ್ ಮುಖೆಲ್ ಸಯ್ರೊ ಜಾವ್ನ್ ಆಯಿಲ್ಲ್ಯಾ ವಿಗಾರ್ ಬಾಪಾಂನಿ ಮೊಗಾಚಿ ಕಾಣಿಕ್ ದೀವ್ನ್ ತಾಂಕಾಂ ಮಾನ್ ಕೆಲೊ. ಉಪಾಧ್ಯಕ್ಷಿಣ್ ಸಿಸಿಲಿಯಾ ಪಿರೇರಾನ್ ಧನ್ಯವಾದ್ ಪಾಟೈಲೆ. ಕುಮಾರಿ ಮರ್ಲಿನ್ ಫೆರಾವೊನ್ ಕಾರ್ಯೆಂ ನಿರ್ವಹಣ್ ಕೆಲೆಂ. ಹಾಜರ್ ಆಸ್‍ಲ್ಲ್ಯಾಂಕ್ ಗೊಡ್ಶೆಂ ವಾಂಟ್ಲೆಂ.
ವರ್ದಿ : ಮರೀನಾ ಪಿರೇರಾ
ಕಥೊಲಿಕ್ ಸಭಾ ಕಾರ್ಯದರ್ಶಿ