ಪವಿತ್ರ್ ಸಭಾ ನಿಮಾಣ್ಯಾ ಸುಕ್ರಾರಾ ದಿಸಾ ಸೊಮ್ಯಾಚಾ ಪವಿತ್ರ್ ಖುರ್ಸಾ ಥಂಯ್ ದೀಷ್ಟ್ ಘಾಲುಂಕ್ ಆನಿ ಆಮ್ಚಿ ಸೊಡ್ವಣ್ ನಿಯಾಳುಂಕ್ ಉಲೊ ದಿತಾ. ಸಕಾಳಿಂ 7 ವರಾರ್ ಉಗ್ತ್ಯಾ ಮೈದಾನಾರ್ ಖುರ್ಸಾಚಿ ವಾಟ್ ಚಲವ್ನ್ ವೆಲಿ. ಸಾಂಜೆರ್ 5.45 ವರಾರ್ ಸಹಾಯಕ್ ವಿಗಾರ್ ಮಾ|ಬಾ| ಎಡ್ವಿನ್ ಮೊನಿಸ್ ಹಾಣಿ ದೇವ್‍ಸ್ತುತಿಚೆ ಸೆರೆಮನಿ ಸರ್ವ್ ಯಾಜಕಾಂಸಂಗಿಂ ಚಲವ್ನ್ ವ್ಹೆಲಿ. ಮಾ|ಬಾ|ಮೈಕಲ್ ಸಾಂತುಮಾಯೆರ್ ಹಾಣಿ ಸೊಮ್ಯಾಚಾ ಪಾಶಾಂವಾಚೆರ್ ನಿಯಾಳ್ ದಿಲೊ. ನಿಮಾಣೆ ಜೆಜುಚಿ ಕೂಡ್ ಆನಿ ಮರ್ಯೆಚಿ ಇಮಾಜ್ ಘೆವ್ನ್ ಭಕ್ತಿಪಣಿಂ ಪುರ್ಶಾಂವ್ ಕಾಡ್ಲೊ. ಚಡ್‍ಉಣೆಂ 4000 ಲೊಕಾನಿಂ ಹ್ಯಾ ದೇವ್‍ಸ್ತುತೆಂತ್ ಭಕ್ತಿಪಣಿ ವಾಂಟೊ ಘೆತ್ಲೊ.
