ಪಾಸ್ಕಾಂಚಿ ರಾತ್ ಸೊಮಿ ಮರ್ಣಾ ಥಾವ್ನ್ ಅಮರ್ ಜಿವಿತಾಕ್ ಉತ್ರಾಲ್ಲಿ ರಾತ್ ಜಾವ್ನಾಸಾ. ಹೊ ಜಿವಂತ್ಪಣಾಚೊ ಸಂಭ್ರಮ್ ಸಾಂಜೆರ್ 7 ವರಾರ್ ಆರಂಭ್ ಕೆಲೊ. ಮಾ|ಬಾ|ಮ್ಯಾಕಿ ಸೊಜ್ ಹಾಣಿ ಉಜೊ ಆನಿ ಪಾಸ್ಖಾಂಚಿ ವಾತ್ ಬೆಂಜಾರ್ ಕೆಲಿ. ಪ್ರಧಾನ್ ಯಾಜಕ್ ಜಾವ್ನ್ ಮಾ|ಬಾ| ಅನಿಲ್ ಸೊಜ್ ಹಾಣಿ ಮಿಸಾಚೆ ಬಲಿದಾನ್ ಭೆಟಯ್ಲೆಂ. ಪಾಸ್ಖಾಚೆಂ ಗೀತ್ ಮಾ|ಬಾ|ಮೈಕಲ್ ಸಾಂತುಮಾಯೆರ್ ಹಾಣಿ ಗಾಯ್ಲೆಂ. ಮಾ|ಬಾ|ಎಡ್ವಿನ್ ಮೊನಿಸ್ ಹಾಣಿ ದೆವಾಚ್ಯಾ ಉತ್ರಾಚೆರ್ ನಿಯಾಳ್ ದಿಲೊ. ಸರ್ವ್ ಲೊಕಾನಿಂ ಹ್ಯಾ ಪಾಸ್ಖಾಂಚಾ ದೇವ್‍ಸ್ತುತೆಂತ್ ಭಕ್ತಿಪಣಿ ವಾಂಟೊ ಘೆತ್ಲೊ. ಭಾಗೆವಂತ್ ಹಪ್ತ್ಯಾಂತ್ಲ್ಯಾ ತೀನೀ ದಿಸಾಂಚಾ ದೇವ್‍ಸ್ತುತೆಂತ್ ಸರ್ವಾನಿಂ ಭಕ್ತಿಪಣಿ ವಾಂಟೊ ಘೆವ್ನ್ ಜಿವಂತ್ ಕ್ರಿಸ್ತಾಚಿ ಕುರ್ಪಾ ಜೊಡುಂಕ್ ಆಧಾರ್ ದಿಲ್ಲ್ಯಾ ಸರ್ವಾಂಚೊ ವಿಗಾರ್ ಬಾಪಾನಿಂ ಉಪ್ಕಾರ್ ಭಾವುಡ್ಲೊ.
