ಜನವರಿಚಿ ಏಕ್ ತಾರೀಕ್ ನವೆಂ ವರಸ್ 2019ಚೊ ಪಯ್ಲೊ ದೀಸ್ ಜಾವ್ನಾಸಾ. ಆಮ್ಕಾಂ ದೊಡ್ತ್ಯಾ ಸಂಭ್ರಮಾಚೊ ದೀಸ್. ಪಯ್ಲೆಂ : ಭಾಗೆವಂತ್ ಮರಿ ದೆವಾ ಮಾತೆಚಿ ದಬಾಜಿಕ್ ಪರ್ಬೆಚೊ ದೀಸ್, ದುಸ್ರೆಂ : ನವ್ಯಾ ವರ್ಸಾಚಾ ಸುರ್ವಾತೆಚೊ ದೀಸ್. ಡಿಸೆಂಬರಾಚಾ 31 ತಾರಿಕೆರ್ ಸಾಂಜೆರ್ 7 ವೊರಾರ್ ಧನ್ಯಾ ದೆವಾನ್ 2018ವ್ಯಾ ವರ್ಸಾ ಫಿರ್ಗಜ್ ಕುಟ್ಮಾಚೆರ್ ವೊತ್‍ಲ್ಲ್ಯಾ ಸರ್ವ್ ಆಶೀರ್ವಾದಾಂ ಪಾಸೊತ್ ಆನಿ ಶಾಬಿತಾಯೆನ್ ರಾಕೊನ್ ಸಾಂಬಾಳ್ನ್ ವೆಲ್ಲ್ಯಾ ಖಾತಿರ್ ಅರ್ಗಾಂ ಪಾಟವ್ನ್ ಸಾಕ್ರಾಮೆಂತಾಚ್ಯಾ ಆರಾಧಾನಾ ಮುಖಾಂತ್ರ್ ಸುರ್ವಾತಿಲೆಂ. ಸಹಾಯಕ್ ವಿಗಾರ್ ಮಾ|ಬಾ|ಎಡ್ವಿನ್ ಮೊನಿಸ್ ಹಾಣಿ ಆರಾಧಾನ್ ಚಲವ್ನ್ ವ್ಹೆಲೆಂ. 8 ವೊರಾರ್ ಅರ್ಗಾಂ ಮಿಸಾಚೆಂ ಬಲಿದಾನ್ ಮಿಲಾರ್ ಕೊಲೆಜಿಚೊ ಪ್ರಾಂಶುಪಾಲ್ ಮಾ|ಬಾ|ಮೈಕಲ್ ಸಾಂತುಮಾಯೆರ್ ಹಾಣಿ ಭೆಟಯ್ಲೆಂ. ವಿಗಾರ್ ಮಾ|ಬಾ|ವಲೇರಿಯನ್ ಡಿಸೋಜಾ ಹಾಣಿ 1) ಆದ್ಲ್ಯಾ ವರ್ಸಾ ಸರ್ವೆಸ್ಪರ್ ದೆವಾನ್ ಆಮ್ಚೆರ್, ಆಮ್ಚ್ಯಾ ಕುಟ್ಮಾಚೆರ್ ವೊತ್‍ಲ್ಲ್ಯಾ ಸರ್ವ್ ಆಶೀರ್ವಾದಾಂ ಪಾಸೊತ್ ಅರ್ಗಾಂ 2) ಮರಿಯೆ ಮಾಯೆಕ್ ದೆವಾನ್ ಆಪ್ಲ್ಯಾ ಪುತಾ ಜೆಜುಚಿ ಆವಯ್ ಕರ್ನ್ ಉಂಚ್ ಉಬಾರ್ಲೆಂ. ಆಮ್ಚ್ಯಾ ಆವಯ್ಕ್ ತಶೆಂಚ್ ಸರ್ವ್ ಸ್ತ್ರೀಯಾಂಕ್ ಗೌರವ್ ದೀಂವ್ಕ್ ಜಾಯ್. 3) ಮುಕ್ಲೆಂ ವರಸ್ ಆಮ್ಕಾಂ ಆನಿ ಆಮ್ಚ್ಯಾ ಕುಟ್ಮಾಕ್ ಶಾಂತಿ ಸಮಾಧಾನೆಚೆ ಜಾಂವ್ ಮ್ಹಣ್ ನಿಯಾಳ್ ದಿಲೊ. ಮಾ|ಬಾ|ಮ್ಯಾಕ್ಸಿ ಡಿಸೋಜಾ ಆನಿ ಮಾ|ಬಾ|ವಿಲಿಯಂ ಗೊನ್ಸಾಲ್ವಿಸ್ ಹಾಣಿ ಸಹಭೆಟವ್ಣಿ ಕೆಲಿ.
