ಪಾತ್ರೊನ್ ಸಾಂತ್ ವಿಶೆಂತ್ ಪಾವ್ಲಾಚೆಂ ಫೆಸ್ತ್ ಅಕ್ಟೋಬರಾಚ್ಯಾ 6 ತರ‍್ಕೆರ್ ದಾನಿ ಆನಿ ಆಧಾರಿ ಕುಟ್ಮಾಂ ಸಂಗಿ ಆಚರಣ್ ಕೆಲೆಂ. ಪ್ರಧಾನ್ ಯಾಜಕ್ ಜಾವ್ನ್ ಫಾ| ಉದಯ್ ಫೆರ್ನಾಂಡಿಸಾನ್ ಪವಿತ್ರ್ ಎವ್ಕರಿಸ್ತಾಚೆಂ ಬಲಿದಾನ್ ಭೆಟಯ್ಲೆಂ. ಮಿಸಾ ಉಪ್ರಾಂತ್ ಆಮ್ಚೆಂ ಸಹಮಿಲನ್ ಫಿರ್ಗಜೆಚ್ಯಾ ಹೊಲಾಂತ್ ಜಾಲೆಂ. ಸುರ್ವೆರ್ ಮಾಗ್ಣಾಯವಿಧಿ ಚಲವ್ನ್ ವ್ಹೆಲಿ. ಹಾಜರ್ ಆಸ್‌ಲ್ಲಾಯ ಸರ್ವಾಂಕ್ ಅಧ್ಯಕ್ಷಿಣ್ ಭಯ್ಣ್ ಹಿಲ್ಡಾ ರೊಡ್ರಿಗಸಾನ್ ಸ್ವಾಗತ್ ಕೆಲೆಂ. ಭಯ್ಣ್ ಫ್ಲೋರಿನ್ ಡಿಸೋಜಾನ್ ಸಭೆಚಿ ವಾರ್ಷಿಕ್ ವರ್ದಿ ಸಭೆ ಹುಜಿರ್ ದರ‍್ಲಿ. ಉಪ್ರಾಂತ್ ಶಿಕ್ಪಾಂತ್ ಬರೆ ಅಂಕ್ ಜೊಡ್‌ಲ್ಲಾö್ಯ ಆಧಾರಿ ಕುಟ್ಮಾಂತ್ಲಾö್ಯ ಭುರ್ಗ್ಯಾಂಕ್ ಕಾಣಿಕ್ ದೀವ್ನ್ ಉಲ್ಲಾಸ್ ಪಾಠಯ್ಲೆಂ. ಉಪ್ರಾಂತ್ ಫಾ| ರೊಬಿನಾನ್ ಸಂದೇಶ್ ದಿಲೊ ಆನಿ ಸಾಂ. ವಿಶೆಂತ್ ಪಾವ್ಲ್ ಸಭೆಚ್ಯಾ ಸಾಂದ್ಯಾಕ್ ಬರೆಂ ಮಾಗ್ಲೆಂ.
ಉಪ್ರಾಂತ್ ಲ್ಹಾನಾ ಭುರ್ಗ್ಯಾಂ ಥಾವ್ನ್ ಥೊಡೆಂ ಮನೋರಂಜನ್ ಕರ‍್ಯೆಂ ಚಲವ್ನ್ ವ್ಹೆಲೆಂ. ಆಮ್ಚಾಯ ಸಭೆಚ್ಯಾ ಸಾಂದ್ಯಾAನಿ ಖೆಳ್ ಚಲವ್ನ್ ವ್ಹೆಲೆ ಆನಿ ಜಿಕ್‌ಲ್ಲಾಯಂಕ್ ಬಹುಮಾನ್ ದಿಲೆಂ. ಭಾವ್ ಸ್ಟಾಯನಿ ಡಿಸೋಜಾನ್ ಸಾಂತ್ ವಿಶೆಂತ್ ಪಾವ್ಲಾ ವಿಶಿಂ ಹಾಜರ್ ಆಸ್‌ಲ್ಲಾö್ಯಂಕ್ ಚಡ್ತಿಕ್ ಮಾಹೆತ್ ದಿಲಿ. ಸಭೆಚ್ಯಾ ಸಾಂದ್ಯಾನಿ ಹೌಸಿ ಖೆಳ್ ಚಲವ್ನ್ ವ್ಹೆಲೊ.
ಅಖ್ರೇಕ್ ಭಾವ್ ಸ್ಟಾಯನಿ ಡಿಸೋಜಾನ್ ಜೆವ್ಣಾಚೆರ್ ದೆವಾಚೆಂ ಆಶೀವಾರ್ದ್ ಮಾಗ್ಲೆಂ. ಭಯ್ಣ್ ಅವಿನಾನ್ ಕರ‍್ಯೆಂ ಚಲವ್ನ್ ವ್ಹೆಲೆಂ. ತಶೆಂಚ್ ಹಾಜರ್ ಆಸ್‌ಲ್ಲಾಯ ಸರ್ವಾಂಕ್ ಭಯ್ಣ್ ಸಬ್ರೀನಾನ್ ಸಭೆಚ್ಯಾ ತರ್ಫೆನ್ ದೇವ್ ಬರೆಂ ಕರುಂ ಮ್ಹಳೆಂ.
– ಹಿಲ್ಡಾ ರೊಡ್ರಿಗಸ್
ಅಧ್ಯಕ್ಷಿಣ್