Milagres Church
  • Phone 0824-2423522
  • Email milagreschurch100@gmail.com
  1. ಹ್ಯಾ ಹಫ್ತ್ಯಾಂತ್ ಫೆಸ್ತಾಂ:
    • ಸನ್ವಾರಾ : ಕೊಲ್ಕೊತಾಚಿ ಸಾಂ. ತೆರೆಜ್
  2. ಆದ್ಲ್ಯಾ ಆಯ್ತಾರಾ ಜಮೊ ಜಾಲ್ಲಿ ಕಾಣಿಕ್ ರು. 16,650/-. ತುಮ್ಚ್ಯಾ ಉದಾರ್ ಮನಾಕ್ ದೇವ್ ಬರೆಂ ಕರುಂ
  3. ಆಮ್ಚ್ಯಾ ಫಿರ್ಗಜೆಚ್ಯಾ ಶಿಕ್ಪಾ ಸ್ಕಾಲರ್‍ಶಿಪ್ ಗರ್ಜ್ ಆಸ್‍ಲ್ಲ್ಯಾ ಭುರ್ಗ್ಯಾಂಕ್ ಆಮ್ಚ್ಯಾ ಫಿರ್ಗಜೆಚ್ಯಾ ದಫ್ತರಾಂತ್ ಅರ್ಜ್ಯೊ ಮೆಳ್ತಾತ್. ತಾಂತು ಆಸ್ಚಿ ಅರ್ಹತಾ ಖಡ್ಡಾಯೆನ್ ಪಾಳುಂಕ್ ಆಸಾ. ಚಡ್ತಿಕ್ ವಿವರಾಕ್ ಫಿರ್ಗಜ್ ದಫ್ತರಾಕ್ ಮೆಳ್ಚೆಂ
  4. ಫಾಲ್ಯಾ/ಆಜ್ ಥಾವ್ನ್ ಬಾಳಕ್ ಮರಿಯೆಚೆಂ ನೊವೆನ್ ಸುರು ಜಾತಾ. ಹ್ಯಾ ದಿಸಾನಿ ಪರಿಸ್ಥಿತಿ ಬರಿ ನಾತ್‍ಲ್ಲೆ ವರ್ವಿಂ ಮಿಸಾಕ್ ಯೆತಾನಾ 1 ಯಾ 2 ಫುಲಾಂ ಹಾಡ್ನ್ ಬಾಳೊಕ್ ಮರಿಯೆಕ್ ಮಾನ್ ಕರ್ಚೆಂ.ದೆಕುನ್ ಆಯ್ತಾರಾ ಸಕಾಳಿಂ 9.30 ವರಾರ್ ಮೀಸ್ ಆನಿಂ ಹಫ್ಯಾ ಮಧೆಂ ಸಾಂಜೆರ್ 5.30 ವರಾರ್ ಮೀಸ್ ಆಸ್ತೆಲೆಂ. ಬಾಳೊಕ್ ಮರಿ ಹ್ಯಾ ಅನ್ವರಾಂತ್ಲೆ ರಾಕೊನ್ ಸಾಂಬಾಳೊಂದಿ ಮ್ಹಣ್ ಮಾಗ್ಯಾಂ.
  5. ನೊವೆನಾಚಾ ದಿಸಾನಿಂ ಚಡ್ ಲೋಕ್ ಮಿಸಾಕ್ ಆನಿಂ ನೊವೆನಾಕ್ ಹಾಜರ್ ಜಾತಲೊ. ತಾಂಕಾಂ ಆವ್ಕಾಸ್ ಕರುನ್ ದಿಂವ್ಚ್ಯಾಕ್ ಇಗರ್ಜೆಂತ್ಲಿಂ ಕದೆಲಾ ಕಾಡ್ನ್ ದಿಂಬ್ಯೆ ಬಾಂಕ್ ಆನಿಂ ಬೊಸ್ಚೆ ಬಾಂಕ್ ಪಾಟಿಂ ಘಾಲ್ಯಾತ್. ಎಕಾಚ್ಚ್ ಘರಾಂತ್ ಜಿಯೆಂವ್ಚ್ಯಾಂಕ್ ಎಕಾಚ್ಚ್ ಬಾಂಕಾರ್ ಬಸಂವ್ಕ್ ಆವ್ಕಾಸ್ ಆಸಾ. ಹೆರಾಂನಿಂ ಎಕಾ ಬಾಂಕಾರ್ ದೊಗಾನಿಂ ಬೊಸ್ಚೆಂ.. ಪೂಣ್ ಅಂತರ್ ದವರ್ಚೊ, ಇಗರ್ಜ್ ನಿತಳ್ ಕರ್ಚಿ ಇತ್ಯಾದಿ ಸಾಂಬಾಳುನ್ ಘೆತಾಂವ್.
  6. ಜರ್ ಕೊಣಾಕ್ ಹ್ಯಾ ದಿಸಾ sweets/snacks ದೀಂವ್ಕ್ ಖುಶಿ ಆಸಾ ತರ್ ಮೊಗಾನ್ ಸ್ವೀಕಾರ್ ಕರ್ತಾಂವ್. ಸೆಪ್ಟೆಂಬರ್ 6 ತಾರಿಕೆರ್ ಭುರ್ಗ್ಯಾಂಕ್ ರಾಂದ್ವಯ್ ಹಾಡುಂಕ್ ಆವ್ಕಾಸ್ ಆಸಾ. ತಿ ಗರ್ಜೆವಂತಾಂಕ್ ವಾಂಟ್ತೆಲ್ಯಾಂವ್
  7. ಫೆಸ್ತಾಕ್ ಮುಡ್ದೊಮ್ ಘೆಂವ್ಕ್ ಆಶೆತೆಲ್ಯಾನಿಂ ಇಗರ್ಜೆಚ್ಯಾ ದಫ್ತರಾಂತ್ ಮೆಳ್ಚೆಂ.
  8. ಭಿಸ್ಪಾಚ್ಯಾ ಆದೇಶಾ ಪ್ರಕಾರ್, ಆಮಿಂ ಸಕ್ಕಡ್ ಮಿಸಾಂ ಕಾಣ್ಘೆತೆಲ್ಯಾಂವ್. ಸಾದಿಂ ಮಿಸಾಂ ರು. 150/-ದೀಸ್ ನಮಿಯಾರ್ಲೆಲೆ ಮೀಸ್ ರು. 200/-. ಆಯ್ತಾರಾ ಆನಿಂ ಫೆಸ್ತ್ ಮಿಸಾಂಕ್ ರು. 300/- ಆನಿಂ ಕುಟ್ಮಾಂತ್ಲ್ಯಾ ವಿಶೇಷ್ ಸಂಭ್ರಮಾಚಾ ಮಿಸಾಂಕ್ ರು.500/-. ದಿಯೆಸೆಜಿಂತ್ ಆಸ್ಚ್ಯಾ ರಿತಿ ರಿವಾಜಿ ಪ್ರಕಾರ್ ಆನಿಂ ಭಿಸ್ಪಾಚ್ಯಾ ನಿರ್ದೇಶನಾ ಪ್ರಕಾರ್ ಹೆಂ ಜ್ಯಾರಿ ಜಾತೆಲೆಂ.
  9. ಮೊಂತಿ ಫೆಸ್ತಾಂ ಉಪ್ರಾಂತ್, ಆಮಿಂ ಪಯ್ಲೆಂಚೆಂ ಭರಿಚ್ ಮಿಸಾಂಚೊ ವೇಳ್ ಪಾಳ್ತಾಂವ್. ಫಿರ್ಗಜ್ ಕುಟ್ಮಾಂಚಾ ವಿನಂತಿ ಪ್ರಕಾರ್ ಆನಿಂ ಗೊವ್ಳಿಕ್ ಪರಿಷದೆಚ್ಯಾ ಜಮಾತಿ ವೆಳಾರ್ ಆಮಿಂ ನಿರ್ಧಾರ್ ಕೆಲಾ. ಮಿಸಾಂಚಿ ಪಟ್ಟಿ ಭಂವ್ತಣಿ ಬೋರ್ಡಾರ್ ಆಸಾ. ದಯಕರ್ನ್ ಸುಧಾರ್ಸುನ್ ವ್ಹರಾ.
  10. ಇಗರ್ಜೆಚ್ಯಾ ಉಜ್ವ್ಯಾ ಕುಶಿಚ್ಯಾ ವೊಣೊದಿರ್ ಉದಾಕ್ ಪಾಜರ್ತಾ. ತಶೆಂಚ್ ಜನೆಲಾಚಿ ಖುಂಟೆಯೀ ಉಮ್ಕಾಳ್ತಾತ್. ತಿ ಆಮಿಂ ರಿಪೆರ್ ಕರ್ನಾ ತರ್, ಅಪಾಯ್ ಜಾಂವ್ಕ್ ಆಸಾ. ದೆಕುನ್ ಹ್ಯಾ ಹಫ್ತ್ಯಾಂತ್ ಗರ್ಜೆಚಿ ರಿಪೆರಿ ಕರ್ತಾಂವ್. ಮಾಲ್ಘಡ್ಯಾ ಇಗರ್ಜೆಚಿ ಸೊಭಾಯ್ ಉರಂವ್ಚಿಂ ಆನಿಂ ಸಾಂಬಾಳ್ಚಿ ಗಂಭೀರತಾ ಸಮ್ಜವ್ಯಾಂ.
  11. ಮೊಂತಿ ಸಾಯ್ಭಿಣಿಚ್ಯಾ ನೊವೆನಾಚಿ ಮಾಗ್ಣಿಂ ಆನಿಂ ಭಕ್ತ್, ಜೆಜುಚ್ಯಾ ಭೋವ್ ಪವಿತ್ರ್ ಕಾಳ್ಜಾ ವಾಡ್ಯಾಚ್ಯಾ ರೊನಿ ಆನಿಂ ವಿನಿತಾಚಾ ಘರಾ ಮಾಂಡುನ್ ಹಾಡ್ಲ್ಯಾ. ಥೊಡ್ಯಾ ಪ್ರತಿನಿಧಿನಿಂ ಭಾಗ್ ಘೆಂವ್ಚೆಂ. ಸುರಕ್ಷಿತಾಯೆಕ್ ಗರ್ಜ್ ಆಸ್ಚಿ ನಿಯಮಾವಳ್ ಪಾಳ್ಚಿ.