ಸಾಂ. ಜುಜೆ ವಾಡ್ಯಾಗಾರಾಂ ಪಾತ್ರೊನ್ ಸಾಂ. ಜುಜೆ ಬಾಪಾಚೆಂ ಫೆಸ್ತಾಚೆಂ ಆಚರಣ್ ಕರುಂಕ್ ಮೇಯಾಚ್ಯಾ 5 ತಾರೀಕೆರ್ ಆಯ್ತಾರಾ ಮಿಸಾಚ್ಯಾ ಬಲಿದಾನಾ ಸವೆಂ ಸಾಂಗಾತಾ ಮೆಳ್ಳ್ಯಾಂವ್. ಇಗರ್ಜೆಚ್ಯಾ ಹೊಲಾಂತ್ ಆಮ್ಚ್ಯಾ ಫೆಸ್ತಾಕ್ ವಿಗಾರ್‍ಬಾಪ್, ಸಹಾಯಕ್ ವಿಗಾರ್‍ಬಾಪ್, ಉಪಾಧ್ಯಕ್ಷ್ ಆನಿ ಹೆರ್ ವಾಡ್ಯಾಚೆ ಗುರ್ಕಾರ್, ಗುರ್ಕಾರ್ನ್ ಹಾಜರ್ ಆಸ್‍ಲ್ಲಿಂ.
ಆಯಿಲ್ಲ್ಯಾಂಕ್ ಕಾರ್ಯನಿರ್ವಾಹಕ್ ವiಚ್ಚಾ ಮಿಲಾರ್ ಹಾಣೆಂ ಸ್ವಾಗತ್ ಕೆಲೊ. ಪಯ್ಲೆಂ ಟ್ರೆಸ್ಸಿ ಪಿಂಟೊ, ಶಾಲೆಟ್ ಹಾಣಿಂ ಸಾಂ. ಜುಜೆ ಬಾಪಾಚ್ಯಾ ಮಾನಾಕ್ ಕಂತಾರ್ ಗಾಯ್ಲೆಂ. ಕಾರ್ಯದರ್ಶಿನ್ ಆದ್ಲ್ಯಾ ವರ್ಸಾಚಿ ವರ್ದಿ ವಾಚ್ಲಿ. ವಿಗಾರ್ ಬಾಪಾಂನಿಂ “ಸಾಂ. ಜುಜೆ ಬಾಪಾ ಬರಿ ಜಿಣಿ ಜಿಯೆಂವ್ಕ್, ತಾಚಿ ದೇಖ್ ಪಳೆವ್ನ್ ಜೆಜು, ಮರಿಯೆ ವಿಶ್ಯಾಂತ್, ತಶೆಂಚ್ಚ್ ಸಾಂ. ಜುಜೆ ಬಾಪಾಕ್ ಉಲೊ ದಿಲ್ಯಾರ್ ಆಮ್ಚ್ಯಾ ಗರ್ಜೆಕ್ ಖಂಯ್ಚ್ಯಾಯೀ ವೆಳಾರ್ ಪಾವ್ತಾ” ಮ್ಹಣ್ ಬರೊ ವಿವರ್ ದಿಲೊ.
ಪರೀಕ್ಷೆಂತ್ ಉತ್ತಮ್ ಅಂಕ್ ಜೊಡ್‍ಲ್ಲ್ಯಾಂಕ್ ಇನಾಮಾಂ ವಾಂಟ್ಲಿಂ. ಸರ್ವಾಂಕೀ spot games ಆಸಾ ಕೆಲ್ಲೆ. ಟ್ರೆಸ್ಸಿ, ಶಾಲೆಟ್ ಪಂಗ್ಡಾ ಥಾವ್ನ್ ಏಕ್ ಗಾಯನ್ ಗಾಯ್ಲೆಂ. ತಶೆಂಚ್ಚ್ ಹೆರ್ ವಾಡ್ಯಾಂತ್ಲ್ಯಾ ಗುರ್ಕಾರಾಂಕ್ ಖೆಳ್ ಆಸಾ ಕೆಲ್ಲೊ. ಭುರ್ಗಿಂ, ಸ್ತ್ರೀಯಾಂ, ಪ್ರಾಯ್ವಂತಾಂ ಸರ್ವಾಂನಿಂ ನಾಚ್ ನಾಚೊನ್ ಸಂತೊಸ್ಭರಿತ್ ಕೆಲೆಂ. ಮಾಂಡೊ ಸಾದರ್ ಕೆಲೊ, ಆಯಿಲ್ಲ್ಯಾ ಸರ್ವಾಂಕೀ ಹೌಸಿ-ಹೌಸಿ ಖೆಳ್ ಆಸಾ ಕೆಲ್ಲೊ. ಮಾರ್ಸೆಲ್ ಡಿಸೋಜಾ ಹಾಂಚ್ಯಾ ತರ್ಫೆನ್ ಏಕ್ ಲಕ್ಕಿ ಕೂಪನ್ ಖೆಳ್ ಆಸಾ ಕೆಲ್ಲೊ. ಜಿಕ್‍ಲ್ಲ್ಯಾಂಕ್ ಇನಾಮಾಂ ವಾಂಟ್ಲಿಂ. ಜೆವ್ಣಾ ಸವೆಂ ಫೆಸ್ತಾಚೆಂ ಆಚರಣ್ ಸಂಪಯ್ಲೆಂ.
