ಹೊ ದೀಸ್ ಆಮಿಂ ಜನವರಿಚ್ಯಾ 20 ತಾರಿಕೆರ್ ಸಾಂಜೆರ್ 5.00 ವೊರಾಂಚ್ಯಾ ಅರ್ಗಾಂ ಮಿಸಾ ಸವೆಂ ಆರಂಭ್ ಕೆಲೊ. ಪ್ರಧಾನ್ ಭೆಟೊವ್ಪಿ ಜಾವ್ನ್ ಮಾ|ಬಾ| ಅರುಣ್ ವಿಲ್ಸನ್ ಲೋಬೊ, ಪದುವಾ ಕಾಲೇಜಿಚೆ ಪ್ರಿನ್ಸಿಪಾಲ್ ಹಾಣಿಂ ಮಿಸಾಚೆಂ ಬಲಿದಾನ್ ಭೆಟಯ್ಲೆಂ.
ವಿಗಾರ್ ಮಾ|ಬಾ| ಬೊನವೆಂಚರ್ ನಜ್ರೆತ್, ಸಹಾಯಕ್ ವಿಗಾರ್ ಮಾ|ಬಾ| ರೊಬಿನ್ ಸಾಂತುಮಾಯರ್, ಬಾಪ್ ಮೈಕಲ್ ಸಾಂತುಮಾಯಾರ್, ಬಾಪ್ ಉದಯ್ ಫೆರ್ನಾಂಡಿಸ್, ಬಾಪ್ ರೊಯ್‌ಸ್ಟನ್ ಮಾಡ್ತಾ S. ಎ. ಹಾಣಿಂ ಸಹಭೆಟವ್ಣಿ ಕೆಲಿ.
ಮಿಸಾ ಉಪ್ರಾಂತ್ ಮಿಲಾಗ್ರಿಸ್ ಜುಬಿಲಿ ಹೊಲಾಂತ್ ಸಾಂಸ್ಕೃತಿಕ್ ಕರ‍್ಯೆಂ ಮಾಂಡುನ್ ಹಾಡ್ಲೆಂ. ಮುಖೆಲ್ ಸಯ್ರೆ ಜಾವ್ನ್ ಬಾ| ಅರುಣ್ ವಿಲ್ಸನ್ ಲೋಬೊ ಹಾಜರ್ ಆಸ್‌ಲ್ಲೆ. ಕರ‍್ಯಾಚೆ ಸುರ್ವೆರ್ ಧರ್ಮ್ ಭಯ್ಣಿನಿಂ ಪ್ರಾರ್ಥನ್ ಗೀತ್ ಗಾವ್ನ್ ಕರ‍್ಯಾಚಿ ಸರ‍್ವಾತ್ ಕೆಲಿ. ಬಾಪ್ ರೊಬಿನ್ ಸಾಂತುಮಾಯೆರಾನ್ ಸರ್ವಾಂಕ್ ಸ್ವಾಗತ್ ಕೆಲೆಂ. ಫಿರ್ಗಜ್ ಗೊವ್ಳಿಕ್ ಪರಿಷದೆಚಿ ಕರ‍್ಯದರ್ಶಿ ಜೆಸಿಂತಾ ಫೆರ್ನಾಂಡಿಸಾನ್ ಫಿರ್ಗಜೆಂತ್ ಸಗ್ಳಾಯ ವರ್ಸಾ ಜಾಲ್ಲಾಯ ಕಾರ್ಯಾಂಚಿ ಆನಿ ವಾವ್ರಾ ವಿಶಿಂ ವರ್ದಿ ಮಂಡನ್ ಕೆಲಿ. ವಿಗಾರ್ ಬಾಪಾನ್ ಮುಖೆಲ್ ಸಯ್ರಾö್ಯಚಿ ಪರಿಚಯ್ ಕರ್ನ್ ದೀವ್ನ್ ಫುಲಾಂಚೊ ತುರೊ ದೀವ್ನ್ ಸ್ವಾಗತ್ ಕೆಲೆಂ. ಮುಖೆಲ್ ಸಯ್ರಾö್ಯನ್ ಭೋವ್ ಅಪೂರ್ಬಾಯೆಚೊ ಸಂದೇಶ್ ದಿಲೊ.
ಆಮ್ಚಾö್ಯ ಫಿರ್ಗಜೆಚ್ಯಾ ಭುರ್ಗ್ಯಾಂನಿ, ಯುವಜಣಾಂನಿ, ಸ್ತಿಯಾಂನಿ, ದಾದ್ಲಾಯಂನಿ ನಾಚ್, ಪದಾಂ, ನಾಟ್ಕುಳೆ, ಜೋಕ್ಸ್ ಸವೆಂ ತಾಂಚಿ ತಾಲೆಂತಾ ಪ್ರದರ್ಶಿಲಿಂ ಆನಿ ಲೊಕಾಂಚಿ ಮನಾಂ ದಾದೊಶಿಂ ಕೆಲಿಂ. ಕರ‍್ಯ ನಿರ್ವಾಹಕಿ ಜಾವ್ನ್ ಕುಮಾರಿ ವಿಯೋಲಾ ಲೋಬೊ ಆನಿ ಶ್ರೀಮತಿ ಪ್ಯಾಟ್ಸಿ ಕ್ಯಾಸ್ತಲಿನೊನ್ ಭೋವ್ ಅಪುರ್ಬಾಯೆನ್ ಕರ‍್ಯೆಂ ಚಲವ್ನ್ ವೆಲೆಂ.
ಉಪಾಧ್ಯಕ್ಷ್ ಶ್ರೀ ಸಿಲ್ವೆಸ್ಟರ್ ಮಸ್ಕರೇನ್ಹಸಾನ್ ಹಾಜರ್ ಜಾಲ್ಲಾಯ ಸರ್ವಾಂಕ್ ಧನ್ಯವಾದ್ ಅರ್ಪಣ್ ಕೆಲೆಂ. ಬಾಪ್ ಉದಯ್ ಫೆರ್ನಾಂಡಿಸಾನ್ ಜೆವ್ಣಾಚೆರ್ ಆಶೀರ್ವಾದ್ ಮಾಗ್ಲೆಂ. ಬೈಲಾ ಡಾನ್ಸಾಂತ್ ಫಿರ್ಗಜ್‌ಗಾರಾಂನಿ ಭಾಗ್ ಘೆವ್ನ್ ಫಿರ್ಗಜ್ ದಿಸಾಚೊ ದಬಾಜೊ ಚಡಯ್ಲೊ.
ಲಾಂಬ್ ಜಿಯೊಂ ಮಿಲಾರ್ ಮಾಯ್ ಫಿರ್ಗಜ್, ಮಂಗ್ಳುರ್
