ಸಪ್ಟೆಂಬರ್ 10, 2017 ಆಯ್ತಾರಾ ದಿಸಾ ಸಾಂಜೆರ್ 6.00 ವರಾರ್ ಶ್ರೀಮಾನ್ ಕೊನಿ ಗೊವಿಯಸ್ ಆನಿ ಫರೀದಾ ಸಿಸಿಲಿಯಾ ಗೊವಿಯಸ್ ಹಾಂಚ್ಯಾ ಘರಾಂತ್ ಕ್ರೆಸೆಂಟ್ ಮ್ಯಾನರ್ ಆಪಾರ್ಟ್‍ಮೆಂಟಾಂತ್ 1ಬಿ ಫ್ಲ್ಯಾಟ್ ಹಾಂಗಾಸರ್ ಚಲವ್ನ್ ವೆಲೆ.
ಗುರ್ಕಾರ್ನ್ ವಿನ್ನಿಫ್ರೆಡ್ ಕ್ರಾಸ್ತಾ ಹಿಣೆಂ ಕಾರ್ಯೆ ನಿರ್ವಾಹಕ್ ಜಾವ್ನ್ ಜವಾಬ್ದಾರಿ ವಹ್ಸಿಲಿ, ಅರ್ಥಾಭರಿತ್ ಪ್ರಸ್ತಾವನ್ ವಾಚ್ಲ್ಯಾ ನಂತರ್, ಘರ್ಚ್ಯಾ ಯೆಜ್ಮಾನಿನ್ ಸ್ವಾಗತ್ ಕೆಲೊ. ಸಾಂ. ಲೂಕ್ 1:46-56 ದೆವಾಚೆಂ ಉತಾರ್ ವಾಚ್ಲೆಂ ಆನಿ ತಾಚೊ ನಿಯಾಳ್ ಗುರ್ಕಾರ್ನಿನ್ ದಿಲೊ. ಶ್ರೀಮತಿ ಫಿಲೋಮಿನಾ ಫ್ರೇಂಕ್ ಹಿಣೆಂ ಸರ್ವಾಂಚ್ಯಾ ಘರ್ಚ್ಯಾಂ ಖಾತಿರ್ ಮಾಗ್ಣೆಂ ಕೆಲೆಂ ಆನಿ ಸ್ವಂತ್ ಪ್ರಾರ್ಥನಾಂಕ್ ಅವ್ಕಾಸ್ ಕರ್ನ್ ದಿಲೊ.
ಸಕ್ಕಡ್ ಸಾಂಗಾತಾ ಮೆಳ್ಯಾಂ ಗೀತ್ ಗಾವ್ನ್ ಸಕ್ಡಾಂನಿ ಬಾಳೊಕ್ ಮರಿಯೆಕ್ ಹಾಡ್‍ಲ್ಲಿ ಫುಲಾಂ ಅರ್ಪಿಲಿಂ, ಆನಿ ಶ್ರೀಮತಿ ಐಡಾ ಪಿಂಟೊ (ಪ್ರತಿನಿಧಿ)ನ್ ನೊವೆನಾಚೆ ಮಾಗ್ಣೆಂ ಕೆಲೆಂ ಆನಿ ತಿಣೆಂ ವಾಡ್ಯಾಚ್ಯಾ ಎಕ್ವಟಾ ಖಾತಿರ್ ಆನಿ ಸೆವಾ ದಿತೆಲ್ಯಾ ಖಾತಿರ್ ತೇರ್ಸ್ ಭೆಟಯ್ಲೊ. ಅಖ್ರೇಕ್ ನವೆಂ ಸೆಂವ್ಚ್ಯಾ ಪಯ್ಲೆಂ ಮಾಗ್ಣೆಂ ಮ್ಹಣೊನ್ ಸಕ್ಟಾಂನಿ ನವೆಂ ಸೆವ್ಲೆಂ. ಪ್ರತಿನಿಧಿ ಐಡಾ ಪಿಂಟೊನ್ ಜೆವ್ಣಾಚೆರ್ ಆಶೀರ್ವಾದಾ ಮಾಗ್ಲಿ.
ಗುರ್ಕಾರ್ನಿನ್ ರುಚಿಕ್ ರಾಂದಾಪ್ ರಾಂದುನ್ ಹಾಡ್‍ಲ್ಲ್ಯಾ ಹರ್ಯೆಕಾ ವಾಡ್ಯಾಗಾರಾಂಚೊ ಉಪ್ಕಾರ್ ಆಟಯ್ಲೊ. ಶ್ರೀಮತಿ ಫರೀದಾ ಸಿಸಿಲಿಯಾ ಗೊವಿಯಸ್ ಆನಿ ತಿಚೊ ಪೂತ್ ನಿಹಾಲನ್ ಹೌಸಿ ಹೌಸಿ ಗೇಮ್ ಚಲವ್ನ್ ವೆಲೆ ಆನಿ ಇನಾಮಾಂ sponsor ಕೆಲಿಂ. ತ್ಯಾ ದಿಸಾ 28 ಜಣಾo ವಾಡ್ಯಾಗಾರಾ ಹಾಜರ್ ಆಸ್‍ಲ್ಲಿಂ. ಗುರ್ಕಾರ್ನಿನ್ ಶ್ರೀಮತಿ ಫರೀದಾ ಸಿಸಿಲಿಯಾ ಗೊವಿಯಸ್ ಹಾಂಚೊ ಉಪ್ಕಾರ್ ಆಟಯ್ಲೊ. ಅಖ್ರೇಕ್ ಆಮ್ಚ್ಯಾ ಬಾಪಾ ಮಾಗ್ಣ್ಯಾ ಸವೆಂ ಕಾರ್ಯೆ ಸಂಪ್ಲೆಂ.
– ವಿನ್ನಿ ಕ್ರಾಸ್ತಾ
ಗುರ್ಕಾರ್ನ್