ಸಪ್ತೆಂಬರಾಚ್ಯಾ 10 ತಾರಿಕೆರ್ ಸಾಂಜೆರ್ 6.30 ವರಾರ್ ಮಾನೆಸ್ತ್ ನೊರ್ಬರ್ಟ್ ಸಲ್ಡಾನಾ ಆನಿ ಮಾನೆಸ್ತಿನ್ ಮೊಂತಿ ಸಲ್ಡಾನಾ ಹಾಂಚಾ ಘರಾ ಆಚರಣ್ ಕೆಲೆಂ. ಹ್ಯಾ ಕಾರ್ಯಾಕ್ ಫಿರ್ಗಜಿಚೆ ವಿಗಾರ್ ಬಾಪ್ ವಲೇರಿಯನ್ ಸೊಜ್ ತಶೆಂಚ್ ಮಿಲಾಗ್ರಿಸ್ ವಿದ್ಯಾ ಸಂಸ್ಥ್ಯಾಚೊ ಉಪಪ್ರಾಂಶುಪಾಲ್ ಬಾಪ್ ಮ್ಯಾಕ್ಸಿ ಸೊಜ್ ಹಾಜರ್ ಆಸ್‍ಲ್ಲೆ.
ಪಯ್ಲೆಂ ವಾಡ್ಯಾಂತ್ಲ್ಯಾ ಭುರ್ಗ್ಯಾಂನಿಂ ತಶೆಂಚ್ ವಾಡ್ಯಾಗಾರಾನಿಂ ಆನಿ ಮುಖೆಲ್ ಸೈರ್ಯಾನಿಂ ಬಾಳೊಕ್ ಮರಿಯೆಕ್ ಮಾನ್ ಕರ್ನ್ ಫುಲಾಂ ಅರ್ಪಿಲಿಂ. ಉಪ್ರಾಂತ್ ವಿಗಾರ್ ಬಾಪಾನಿಂ ನೊವ್ಯಾಚೆರ್ ಆಶೀರ್ವಾದ್ ಘಾಲ್ನ್ ಗುರ್ಕಾರ್ನಿಕ್ ಹಸ್ತಾಂತರ್ ಕೆಲೆಂ. ಗುರ್ಕಾರ್ನಿನ್ ದೂದಾಂತ್ ಘಾಲ್ನ್ ಸರ್ವ್ ವಾಡ್ಯಾಗಾರಾಂಕ್ ವಾಂಟುನ್ ದಿಲೆಂ.
ಹೆಂ ವರಸ್ ಸಮುದಾಯೆಚೆಂ ವರಸ್ ಜಾಲ್ಲ್ಯಾ ನಿಮ್ತಿಂ ಹ್ಯಾ ವರ್ಸಾ ಆಮಿ ಸರ್ವ್ ವಾಡ್ಯಾಗಾರಾನಿಂ ಜೆವಣ್ ತಯಾರ್ ಕರ್ನ್ ಸರ್ವಾನಿಂ ದಾಧೊಶಿ ಜೇವ್ನ್ ಆಮ್ಚ್ಯಾ ವಾಡ್ಯಾಚೊ ಎಕ್ವಟ್ ಆಮಿ ಪಾಚರ್ಲೊ. ಹ್ಯಾ ಕಾರ್ಯಾಕ್ ವಾಡ್ಯಾಚಿಂ 68 ಜಣಾಂ ಹಾಜರ್ ಆಸ್‍ಲ್ಲಿಂ.
ಸುನೀತಾ ಮೊಂತೆರೊ
ವಾಡ್ಯಾ ಪ್ರತಿನಿಧಿ