ಸಪ್ಟೆಂಬರಾಚ್ಯಾ 10 ತಾರಿಕೆರ್ ಸಾಂಜೆರ್ 7.00 ವರಾರ್ ಶ್ರೀಮಾನ್ ಜೆರಾಲ್ಡ್ ಆನಿ ಶ್ರೀಮತಿ ಲಿನೆಟ್ ಪಿಂಟೊ ಹಾಂಗೆರ್ ಜಮತ್ ಆನಿ ಮೊಂತಿ ಸಾಯ್ಭಿಣಿಚೆಂ ಫೆಸ್ತ್ ಆಚರಣ್ ಕೆಲೆಂ.
ಜಮ್ಲ್ಯಾಲ್ಯಾ ಸಮೇಸ್ತಾಂಕ್ ಕುಮಾರಿ ಅನೀಶಾ ಪಿರೇರಾನ್ ಸ್ವಾಗತ್ ಕೆಲೆಂ. ಉಪ್ರಾಂತ್ ಫೆಸ್ತಾಚಿ ಮಾಗ್ಣ್ಯಾವಿಧಿ ಶ್ರೀಮತಿ ಲಿಡಿಯಾ ಮೊಂತೆರೊ ಹಿಚಾ ಮುಖೆಲ್ಪಣಾಖಾಲ್ ಭುರ್ಗ್ಯಾನಿಂಚ್ಚ್ ಚಲವ್ನ್ ವೆಲಿ. ದೆವಾಚೆಂ ಉತಾರ್ ವಾಚ್ತೆಚ್ಚ್, ಜಮತೆರ್ ಹಾಜರ್ ಆಸ್‍ಲ್ಲೆ ಮಾನಾಧಿಕ್ ಬಾಪ್ ಅನಿಲ್ ಡಿಸೋಜ ಹಾಣಿಂ ನಿಯಾಳ್ ದಿಲೊ ಆನಿ ತೇರ್ಸಾ ಮುಖಾಂತ್ರ್ ಮರಿ ಮಾಯೆಚೆಂ ಭಕ್ತಿಪಣ್ ಆಚರಣ್ ಕರುಂಕ್ ಉಲೊ ದಿಲೊ. ಪ್ರಾರ್ಥನಾಂ, ನೊವೆನಾಚೆಂ ಮಾಗ್ಣೆಂ ಆನಿ ಕಂತಾರಾ ಮುಖಾಂತ್ರ್ ಮಾಗ್ಣ್ಯಾವಿಧಿ ಆಖೇರ್ ಜಾಲಿ. ಜಮತೆರ್ ಹಾಜರ್ ಆಸ್‍ಲ್ಲೆ ಮಾ|ಬಾ| ಮೈಕಲ್ ಸಾಂತುಮಾಯೆರ್ ಹಾಣಿಂ ಜೆವ್ಣಾಚೆರ್ ಆಶೀರ್ವಾದ್ ಮಾಗ್ಲೊ. ಶ್ರೀಮತಿ ಲಿಡಿಯಾ ಮೊಂತೆರೊನ್ ಧನ್ಯವಾದ್ ಪಾಟೈಲೆ.
ವಾಡ್ಯಾಗಾರಾನಿಂಚ್ಚ್ ತಯಾರ್ ಕೆಲ್ಲೆಂ ಫೆಸ್ತಾಚೆಂ ಜೆವಣ್ ಸರ್ವಾನಿಂ ಸ್ವೀಕಾರ್ ಕೆಲೆಂ. ಹ್ಯಾ ಜಮತೆರ್ 65 ಜಣಾಂ ಹಾಜರ್ ಆಸ್‍ಲ್ಲಿಂ.
ಉಪ್ರಾಂತ್ ಗುರ್ಕಾರಾನ್ ಹ್ಯಾ ಕಾರ್ಯಾಕ್ ಸಹಕಾರ್ ದಿಲ್ಲ್ಯಾ ಸರ್ವಾಂಚೊ ಉಪ್ಕಾರ್ ಆಟಯ್ಲೊ.