ಜೂನಾಚಾ 3 ತಾರೀಕೆರ್, 2018-19 ವರ್ಸಾಚೆ ಕ್ರೀಸ್ತೀ ಶಿಕ್ಷಣ್ ವರ್ಸಾಚೆಂ ಉಗ್ತಾವಣ್ ಸಕಾಳಿ 9.30 ವರಾರ್ ಮಿಸಾಚಾ ಬಲಿದಾನಾ ಮುಕಾಂತ್ರ್ ಕೆಲೆಂ. ಪವಿತ್ರ್ ಪುಸ್ತಕ್ ವಿಗಾರ್ ಬಾಪಾನಿಂ, ಯಾಜಕ್, ಕ್ರೀಸ್ತೀ ಶಿಕ್ಷಣ್ ಶಿಕಂವ್ಚಿ 20 ಜಣಾಂ ಶಿಕ್ಷಕಾನಿಂ ಮಾನಾನ್ ಪುರ್ಶಾಂವಾರ್ ವೆದಿಕ್ ಹಾಡ್ಲೊ. ಪವಿತ್ರ್ ಪುಸ್ತಕ್ ಆಮ್ಚ್ಯಾ ಕ್ರೀಸ್ತೀ ಶಿಕವ್ಣೆಚೊ ಮೂಳ್ ಜಾವ್ನಾಸಾ. ಕ್ರೀಸ್ತೀ ಶಿಕ್ಷಣ್, ಶಿಕ್ಷಕಾಂ ಮುಕಾಂತ್ರ್ ವಿದ್ಯಾರ್ಥಿಂಕ್ ಲಾಬ್ತಾ. ಹಾಚೊ ಸಂಕೇತ್ ಜಾವ್ನ್ ಉದ್ಘಾಟನಾ ವೆಳಾರ್ ಪವಿತ್ರ್ ಪುಸ್ತಕ್ ವಿಗಾರ್‍ಬಾಪಾನಿಂ ಶಿಕ್ಷಕಾಂಕ್ ಹಸ್ತಾಂತರ್ ಕೆಲೊ. ಉಪ್ರಾಂತ್ ಶಿಕ್ಷಕಾನಿಂ ವಿದ್ಯಾರ್ಥಿಂಚಾ ಹಾತಾಂತ್ ದಿಲೊ. ವಿದ್ಯಾರ್ಥಿಂನಿ ಪವಿತ್ರ್ ಪುಸ್ತಕ್ ಮಾನಾಚಾ ಜಾಗ್ಯಾರ್ ದವರ್ಲೊ ಆನಿ ಫುಲಾಂಚೊ ಝೆಲೊ ಘಾಲೊ ಆನಿ ದುಂಪಯ್ಲೊ. ದೈವಿಕ್ ಉಜ್ವಾಡಾಚೊ ಸಂಕೇತ್ ಜಾವ್ನ್ ದಿವೊ ಪೆಟವ್ನ್ ಕ್ರೀಸ್ತೀ ಶಿಕ್ಷಣ್ ವರ್ಸಾಚೆಂ ಉಗ್ತಾವಣ್ ಕೆಲೆಂ. ಮಿಸಾಚೆಂ ಬಲಿದಾನ್ ವಿಗಾರ್ ಬಾಪ್ ವಲೇರಿಯನ್ ಸೊಜ್ ಹಾಣಿ ಇತರ್ ಯಾಜಕಾಂ ಸಂಗಿಂ ಮೆಳೊನ್ ಭೆಟಯ್ಲೆಂ. ಬಾ|ಎಡ್ವಿನ್ ಮೊನಿಸ್ ಹಾಣಿ ದೆವಾಚಾ ಉತ್ರಾಂಚೆರ್ ನಿಯಾಳ್ ದಿಲೊ. ಮಿಸಾಚಾ ಬಲಿದಾನಾ ಉಪ್ರಾಂತ್ ಸರ್ವ್ ಭುರ್ಗ್ಯಾಂಕ್ ಕೇಕ್ ದಿಲಿ.
